កងទ័ពជើងទឹករុស្ស៊ី ជិតទទួលបាននាវាមុជទឹកនុយក្លេអ៊ែរយុទ្ធសាស្ត្រថ្មី

នាវាមុជទឹកនុយក្លេអ៊ែរយុទ្ធសាស្ត្រថ្មីឈ្មោះ Generalissimo Suvorov ត្រៀមខ្លួនជិតរួចរាល់ហើយសម្រាប់កងទ័ពជើងទឹករបស់ប្រទេសរុស្ស៊ី។ នេះបើតាមការឲ្យដឹងកាលពីថ្ងៃចន្ទ ទី០៧ខែវិច្ឆិកា ពីក្រុមហ៊ុនផលិតនាវានៅឯសហគ្រាសសាងសង់នាវា Sevmash ក្នុងទីក្រុង Severodvinsk។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mikhail Budnichenko នាយកប្រតិបត្តិរបស់ក្រុមហ៊ុន Sevmash បានប្រាប់ប៉ុស្តិ៍ទូរទស្សន៍យោធារុស្ស៊ី Zvezda ថា “Generalissimo Suvorov បានបញ្ចប់ដំណាក់កាលធ្វើតេស្តទាំងអស់ ដោយអនុវត្តការធ្វើដំណើរជាច្រើនលើកច្រើនសាទៅសមុទ្រ។ ប្រព័ន្ធរបស់នាវាត្រូវបានសាកល្បងក្នុងរបៀបផ្សេងៗគ្នា”។

លោកនិយាយថា មុនពេលកងទ័ពជើងទឹករុស្ស៊ីទទួលបាននាវាមុជទឹកថ្មីនេះ សកម្មភាពជាបន្តបន្ទាប់ត្រូវធ្វើឡើងនៅលើនាវា រួមទាំងការកែប្រែយន្តការ ការបញ្ចប់ផ្នែកខាងក្នុង និងការផ្ទុកឧបករណ៍ផងដែរ។

កាលពីសប្តាហ៍មុន Generalissimo Suvorov បានបាញ់សាកល្បងដោយជោគជ័យនូវមីស៊ីលបាលីស្ទីកបាញ់ចេញពីនាវាមុជទឹកថ្នាក់ Bulava ដោយវាយប្រហារចំគោលដៅនៅឧបទ្វីប Kamchatka ភាគខាងកើត សមុទ្រ ស។

K-553 Generalissimo Suvorov គឺជានាវាទី៦នៃកងនាវាមុជទឹកមីស៊ីលផ្លោងជំនាន់ទី៤របស់រុស្ស៊ី។ នាវាមុជទឹកថ្នាក់នេះ អាចផ្ទុកមីស៊ីល Bulava ដែលមានសមត្ថភាពនុយក្លេអ៊ែររហូតដល់ ១៦ គ្រាប់៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្សី សាកល្បងនាវាមុជទឹកនុយក្លេអ៊ែរថ្មីបំផុត ចំពេលតានតឹងជាមួយ លោកខាងលិច