ព័ត៌មានអន្ដរជាតិ

ប្រធានាធិបតី កូរ៉េខាងត្បូង នឹងចូលរួមកិច្ចប្រជុំកំពូលអាស៊ាននៅ កម្ពុជា

បានផុស

២ years មុន

នៅ

ថ្ងៃពុធ ៩ វិច្ឆិកា ២០២២

ដោយ

ប្រធានាធិបតីកូរ៉េខាងត្បូងលោក Yoon Suk-yeol នឹងចូលរួមកិច្ចប្រជុំកំពូលអាស៊ានលើកទី ៤០ និង ៤១ នៅប្រទេសកម្ពុជា ដើម្បីពង្រឹងទំនាក់ទំនងសេដ្ឋកិច្ច និងសន្តិសុខជាមួយតំបន់ ក៏ដូចជា បង្ហាញពីយុទ្ធសាស្ត្រឥណ្ឌូប៉ាស៊ីហ្វិក និងអាស៊ានថ្មីរបស់ប្រទេសជាតិ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Yoon នឹងចូលរួមកិច្ចប្រជុំកំពូលអាស៊ានតែម្ដង នៅពេលលោកមកដល់រាជធានីភ្នំពេញ នៅថ្ងៃទី១១ ខែវិច្ឆិកា ដើម្បីបង្ហាញអំពីយុទ្ធសាស្ត្រឥណ្ឌូប៉ាស៊ីហ្វិកថ្មីរបស់រដ្ឋាភិបាល និងគោលនយោបាយអាស៊ាន ដែលហៅថា គំនិតផ្តួចផ្តើមសាមគ្គីភាព កូរ៉េ-អាស៊ាន ។

នៅថ្ងៃបន្ទាប់ លោកប្រធានាធិបតីកូរ៉េខាងត្បូងនឹងចូលរួមកិច្ចប្រជុំអាស៊ានបូកបី ខណៈកិច្ចប្រជុំនេះគឺជាកិច្ចសហប្រតិបត្តិការក្នុងតំបន់ដែលបានចាប់ផ្តើមសម្រាប់ការឆ្លើយតបរួមគ្នា បន្ទាប់ពីវិបត្តិហិរញ្ញវត្ថុអាស៊ីក្នុងឆ្នាំ ១៩៩៧ ហើយមានការចូលរួមប្រជុំពីប្រទេសសមាជិកអាស៊ានចំនួន ១០ រួមជាមួយកូរ៉េខាងត្បូង ជប៉ុន និងចិន ។

ចំណែកនៅថ្ងៃអាទិត្យ ទី១៣ លោកប្រធានាធិបតីកូរ៉េនឹងចូលរួមកិច្ចប្រជុំកំពូលអាស៊ីបូព៌ា ដែលមានការចូលរួមពីប្រទេសអាស៊ានទាំង ១០ រួមជាមួយកូរ៉េខាងត្បូង អូស្ត្រាលី ចិន ឥណ្ឌា ជប៉ុន នូវែលសេឡង់ រុស្ស៊ី និងសហរដ្ឋអាមេរិក ។

គួរបញ្ជាក់ថា បន្ទាប់ពីចាកចេញពីកម្ពុជា លោក Yoon Suk-yeol នឹងចាកចេញទៅកោះបាលី ប្រទេសឥណ្ឌូណេស៊ី នៅថ្ងៃចន្ទ ទី១៤ ខែវិច្ឆិកា ដើម្បីចូលរួមកិច្ចប្រជុំកំពូល G20 ហើយនេះគឺជាដំណើរទស្សនិច្ចលើកដំបូងរបស់លោកទៅអាស៊ីអាគ្នេយ៍ ចាប់តាំងពីចូលកាន់តំណែង ៕