ព័ត៌មានអន្ដរជាតិ

ព្រះចៅស៊ុលតង់ ព្រុយណេ យាងបើកយន្តហោះដោយអង្គឯងផ្ទាល់ ចូលរួមកិច្ចប្រជុំអាស៊ាននៅ កម្ពុជា

បានផុស

២ years មុន

នៅ

ថ្ងៃពុធ ៩ វិច្ឆិកា ២០២២

ដោយ

តាមរយៈរូបភាពផ្សព្វផ្សាយអំពីព្រះរាជដំណើរមកដល់របស់ព្រះចៅស៊ុលតង់ Haji Hassanal Bolkiah Muizzaddin Waddaulah ព្រះមហាក្សត្រនៃប្រទេសព្រុយណេ ដើម្បីចូលរួមកិច្ចប្រជុំកំពូលអាស៊ាននៅកម្ពុជា ត្រូវបានគេមើលឃើញថា ព្រះអង្គយាងបើកយន្តហោះពិសេស Boeing787-800 ដោយព្រះអង្គឯងផ្ទាល់ នៅពេលចុះចតនៅអាកាសយានដ្ឋានអន្តរជាតិភ្នំពេញ កាលពីវេលាម៉ោង ៤ និង ៣០ នាទីល្ងាចថ្ងៃទី ៩ ខែវិច្ឆិកា ឆ្នាំ ២០២២ នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះមិនមែនជាលើកទី១ ទេដែលស្ដេចស៊ុងតង់របស់ព្រុយណេ យាងបើកយន្តហោះដោយព្រះអង្គឯងចូលរួមកិច្ចប្រជុំកំពូលៗនោះ ពោលកាលពីឆ្នាំ ២០១៨ ព្រះអង្គក៏យាងបើកយន្តហោះដោយអង្គឯងចូលរួមកិច្ចប្រជុំមួយផងដែរនៅប្រទេសឥណ្ឌា ។

នៅពេលនោះ ព្រះអង្គមានព្រះជន្ម ៧១ ព្រះវស្សា បានយាងបើកយន្តហោះប្រភេទ Boeing 747 ដោយព្រះអង្គឯងចេញពីប្រទេសព្រុយណេទៅស្ថានីយកងទ័ពអាកាសនៅតំបន់ Palam ក្នុងទីក្រុង New Delhi របស់ឥណ្ឌាដើម្បីចូលរួមកិច្ចប្រជុំកំពូលពិសេសមួយ ។

យោងតាមរបាយការណ៍បានឲ្យដឹងថា គណៈអធិបតីដែលរង់ចាំស្វាគមន៍ព្រះអង្គមានការភ្ញាក់ផ្អើលយ៉ាងខ្លាំង នៅពេលដែលឃើញទ្រង់យាងចេញពីកាប៊ីនដែលជាកន្លែងបើក និងបញ្ជាយន្តហោះ ៕