អាមេរិក ប៉ាន់ស្មានចំនួនទាហានស្លាប់ទាំងសងខាង ក្នុងសង្គ្រាម រុស្ស៊ី-អ៊ុយក្រែន

ឧត្តមសេនីយ៍ជាន់ខ្ពស់បំផុតរបស់សហរដ្ឋអាមេរិក បានប៉ាន់ស្មានថា ទាហានរុស្ស៊ីប្រហែល ១០០ ០០០នាក់ និងទាហានអ៊ុយក្រែន ១០០ ០០០នាក់ ត្រូវបានសម្លាប់ឬរងរបួសនៅក្នុងសង្គ្រាមអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ Mark Milley ប្រធានអគ្គសេនាធិការចម្រុះរបស់សហរដ្ឋអាមេរិក ក៏បានលើកឡើងផងដែរថា ជនស៊ីវិលប្រហែល ៤០ ០០០នាក់បានស្លាប់ នៅក្នុងជម្លោះនេះ។

ឧត្តមសេនីយ៍កំពូលរូបនេះ បាននិយាយថា ទំហំនៃការស្លាប់និងរបួសនេះ អាចបញ្ចុះបញ្ចូលទាំងទីក្រុងមូស្គូ និងទីក្រុងកៀវ ឲ្យចូលតុចរចាក្នុងរដូវរងាខាងមុខនេះ ស្របពេលការប្រយុទ្ធអាចថមថយដោយសារលក្ខខណ្ឌអាកាសធាតុត្រជាក់។

លោកក៏បានកត់សម្គាល់ផងដែរថា ជនភៀសខ្លួនពី ១៥ ទៅ ៣០ លាននាក់ត្រូវបានបង្កើតឡើងចាប់តាំងពីរុស្ស៊ី បើកការវាយលុករបស់ខ្លួននៅថ្ងៃទី ២៤ ខែកុម្ភៈ។

ទោះបីជាយ៉ាងណាក៏ដោយ ការធ្វើបច្ចុប្បន្នភាពចុងក្រោយបំផុតរបស់ទីក្រុងមូស្គូកាលពីខែកញ្ញា បានបង្ហាញថា ទាហានរបស់ខ្លួនត្រឹមតែ ៥៩៣៧នាក់ប៉ុណ្ណោះ ត្រូវបានសម្លាប់ចាប់តាំងពីការផ្ទុះឡើងនៃជម្លោះ៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក Stoltenberg៖ ណាតូ មិនត្រូវមើលស្រាល រុស្ស៊ី ទេ