ព័ត៌មានអន្ដរជាតិ

មកមើលសម្រស់ភរិយាប្រធានាធិបតី កូរ៉េខាងត្បូង ដែលទើបមកដល់ កម្ពុជា

បានផុស

២ years មុន

នៅ

ថ្ងៃសុក្រ ១១ វិច្ឆិកា ២០២២

ដោយ

ប្រធានាធិបតីកូរ៉េខាងត្បូង លោក Yoon Suk Yeol បានអញ្ជើញមកដល់កម្ពុជានៅវេលាម៉ោង ១២ និង ៤៧នាទី នារសៀលថ្ងៃទី ១១ ខែ វិច្ឆិកា ឆ្នាំ ២០២២នេះ។ ជាការកត់សម្គាល់ ភរិយារបស់លោកក៏បានអមដំណើរមកជាមួយ បង្កការភ្ញាក់ផ្អើលពីសម្រស់ដ៏ផូផង់ និងក្មេងជាងវ័យរបស់ជំទាវទី១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ក្នុងដំណើរមកដល់កម្ពុជាតាមជើងយន្តហោះពិសេស KG 001 ជាមួយស្វាមី ជំទាវទី១ Kim Kun Hee មើលទៅពោរពេញទៅដោយភាពស្រស់ស្អាត និងមានសម្រស់ផូផង់ បើទោះបីជាឈានចូលវ័យ៥០ឆ្នាំហើយក្ដី។ លើសពីនេះ សម្រស់របស់លោកស្រី Kim Kun Hee ក៏ធ្លាប់បានធ្វើឲ្យមនុស្សជាច្រើនមានការភ្ញាក់ផ្អើលទាំងក្នុងនិងក្រៅប្រទេស បន្ទាប់ពីលោកស្រីបានបង្ហាញខ្លួន ក្នុងនាមជាភរិយារបស់ប្រធានាធិបតីកូរ៉េខាងត្បូងលោក Yoon Suk Yeol ។

មិនត្រឹមប៉ុណ្ណេះ សូម្បីតែការស្លៀកពាក់ក្នុងនាមភរិយាប្រធានាធិបតីកូរ៉េខាងត្បូង ក៏លោកស្រីមានស្ទាយប្រចាំខ្លួនមិនសាំភ្នែក ហើយតែងតែមានការកោតសរសើរពីជំទាវប្រទេសផ្សេងៗ ក្រោយលោកស្រី Kim ធ្វើដំណើរទៅទស្សនកិច្ចជាមួយស្វាមី។

សូមបញ្ចាក់ដែរថា ជំទាវទីមួយរបស់ប្រទេសកូរ៉េខាងត្បូងរូបនេះ គឺជាពាណិជ្ជករកូរ៉េ ជាប្រធាន និងជានាយកប្រតិបត្តិនៃក្រុមហ៊ុនពិព័រណ៍សិល្បៈ Covana Contents ប្រចាំប្រទេសកូរ៉េខាងត្បូងផងដែរ៕