ដកទ័ពពិតមែន តែវិមានក្រឹមឡាំងអះអាងថា តំបន់ Kherson នៅតែជាផ្នែករបស់ប្រទេសរុស្ស៊ី

ទីក្រុងមូស្គូបានទទូចកាលពីថ្ងៃសុក្រទី១១ខែវិច្ឆិកាថា ការដកកងកម្លាំងរុស្ស៊ីចេញពីតំបន់ Kherson មិនប៉ះពាល់ដល់ស្ថានភាពផ្លូវច្បាប់នៃតំបន់នោះទេ ដោយសារតែវាត្រូវបានកាត់បញ្ចូលជាផ្លូវការទៅក្នុងប្រទេសរុស្ស៊ីរួចទៅហើយកាលពីខែមុន បន្ទាប់ពីការធ្វើប្រជាមតិជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់អ្នកសារព័ត៌មាន អ្នកនាំពាក្យវិមានក្រឹមឡាំង លោក Dmitry Peskov បាននិយាយថា “តំបន់ Kherson នៅតែជាផ្នែកមួយនៃសហព័ន្ធរុស្ស៊ី ហើយស្ថានភាពនេះ ត្រូវបានជួសជុល និងកំណត់ដោយស្របច្បាប់។ មិនអាចមានការផ្លាស់ប្តូរចំពោះស្ថានភាពនេះទេ”។

ការអត្ថាធិប្បាយរបស់លោកធ្វើឡើង បន្ទាប់ពីក្រសួងការពារជាតិបានប្រកាសថា កងកម្លាំងរុស្ស៊ីបានដកទ័ពចេញទាំងស្រុងនៅច្រាំងខាងឆ្វេងនៃទន្លេ Dnieper កាលពីថ្ងៃសុក្រ ដោយមិនមានបាត់បង់ទាហាន អាវុធ ឬយានយន្តអ្វីឡើយ។

ក្រសួងក៏បានកត់សម្គាល់ផងដែរថា អ្នកស្រុកទាំងអស់ដែលមានបំណងចាកចេញ ក៏ត្រូវបានផ្តល់ជំនួយ និងធ្វើដំណើរឆ្លងកាត់ទន្លេដោយសុវត្ថិភាពផងដែរ ថ្វីបើកងកម្លាំងរបស់ទីក្រុង កៀវ ប៉ុនប៉ងបាញ់កាំភ្លើងធំដើម្បីរំខានដល់ចលនារបស់ជនស៊ីវិលក៏ដោយ។

តំបន់ Kherson បានក្លាយជាផ្នែកមួយនៃប្រទេសរុស្ស៊ីជាផ្លូវការកាលពីខែមុន រួមជាមួយនឹងសាធារណរដ្ឋប្រជាមានិត Donetsk និង Lugansk ព្រមទាំងតំបន់ Zaporozhye ផងដែរ បន្ទាប់ពីការធ្វើប្រជាមតិ។ ទីក្រុងកៀវ ​បាន​ហៅ​ការ​បោះឆ្នោត​នេះ​ថា​ជា​ការ​បោកប្រាស់ ហើយ​បាន​សន្យា​បន្ត​ការ​ប្រយុទ្ធ​​រហូត​ដល់​ដណ្តើមបានគ្រប់​ទឹកដីរបស់អ៊ុយក្រែនមកវិញ៕

ប្រែសម្រួល៖ Vann Vann

ប្រភព៖ RT

ចុចអាន៖ អ៊ុយក្រែន រំដោះបានតំបន់ជាង ៤០ទៀត