រុស្ស៊ី បង្ហាញមូលហេតុដែលលោក ពូទីន មិនចូលរួមកិច្ចប្រជុំ G20

វិមានក្រឹមឡាំងបាននិយាយថា លោក វ្ល៉ាឌីមៀរ ពូទីន នឹងមិនទៅចូលរួមកិច្ចប្រជុំកំពូល G20 នៅសប្តាហ៍ក្រោយក្នុងប្រទេសឥណ្ឌូណេស៊ីទេ ដោយសារតែគាត់ មមាញឹកនឹងការងារខ្លាំងពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Dmitry Peskov អ្នកនាំពាក្យប្រធានាធិបតីបាននិយាយថា កាលវិភាគរបស់លោក ពូទីន មានន័យថា គាត់មិនអាចចាកចេញពីប្រទេសរុស្ស៊ី សម្រាប់កិច្ចប្រជុំដែលនឹងប្រព្រឹត្តទៅនៅថ្ងៃទី ១៥ និង ១៦ ខែវិច្ឆិកាបានឡើយ។

លោក Peskov បន្តថា “នេះគឺជាការសម្រេចចិត្តរបស់ប្រមុខរដ្ឋ និងជាភាពចាំបាច់នៃការស្នាក់នៅក្នុងសហព័ន្ធរុស្ស៊ី”។

លោកពូទីន ក៏មិនចូលរួមតាមរយៈ Video Link ឬផ្ញើសារថតទុកជាមុនដែរ។

លើសពីនេះ លោក ពូទីន នឹង​មិន​ចូល​រួម​ក្នុង​កិច្ច​ប្រជុំ​កំពូល​កិច្ច​សហប្រតិបត្តិការ​សេដ្ឋកិច្ច​អាស៊ី​ប៉ាស៊ីហ្វិក (APEC) ដែល​នឹង​ចាប់​ផ្តើម​ក្នុង​ទីក្រុង​បាងកក នៅ​ថ្ងៃ​សុក្រ​សប្តាហ៍​ក្រោយដែរ៕

ប្រែសម្រួល៖ Vann Vann

ប្រភព៖ RT, Daily Mail

ចុចអាន៖ លោក Putin នឹងមិនចូលរួមកិច្ចប្រជុំកំពូល G20 នៅ ឥណ្ឌូណេស៊ី ឡើយ