លោក បៃដិន ក្លាយជាមេដឹកនាំអាមេរិកដំបូងគេ ដែលចូលរួមកិច្ចប្រជុំកំពូលអាស៊ាន ចាប់តាំងពីឆ្នាំ ២០១៧

លោកប្រធានាធិបតី ចូ បៃដិន បានក្លាយជាមេដឹកនាំសហរដ្ឋអាមេរិកដំបូងគេ ដែលចូលរួមក្នុងកិច្ចប្រជុំកំពូលអាស៊ាន ចាប់តាំងពីឆ្នាំ ២០១៧មក។

សម្រាប់ការចូលរួមក្នុងកិច្ចប្រជុំនេះ លោកនឹងសង្កត់ធ្ងន់លើចក្ខុវិស័យសម្រាប់តំបន់អាស៊ីប៉ាស៊ីហ្វិកសេរី និងបើកចំហ ដើម្បីទប់ទល់នឹងឥទ្ធិពលយោធា និងបច្ចេកវិទ្យាដែលកំពុងកើនឡើងរបស់ចិន។

លោកបៃដិន បានមកដល់ប្រទេសកម្ពុជា ដែលជាម្ចាស់ផ្ទះនៃកិច្ចប្រជុំកំពូលនៅម៉ោង ៨:២០នាទីព្រឹកថ្ងៃសៅរ៍ទី១២ខែវិច្ឆិកានេះ ហើយនឹងជួបពិភាក្សាជាមួយមេដឹកនាំអាស៊ីមួយចំនួន។

គួរបញ្ជាក់ថា បន្ទាប់ពីកិច្ចប្រជុំកំពូលអាស៊ាន លោក បៃដិន នឹងត្រូវជួបជាមួយសមភាគីចិនលោក ស៊ី ជីនពីង ក្នុងកិច្ចប្រជុំ G20 នៅប្រទេសឥណ្ឌូណេស៊ី សប្តាហ៍ក្រោយ៕

ប្រែសម្រួល៖ Vann Vann

ប្រភព៖ Bloomberg

ចុចអាន៖ លោក Joe Biden ប្រធានាធិបតីអាមេរិក ធ្វើដំណើរមកដល់ប្រទេសកម្ពុជាហើយ