ព័ត៌មានអន្ដរជាតិ
បញ្ហាក្ដៅចំនួន ២ នឹងលើកយកមកពិភាក្សាក្នុងកិច្ចប្រជុំកំពូលអាស៊ីបូព៌ានៅ កម្ពុជា
យោងតាមសារព័ត៌មាន NHK ចុះផ្សាយថា ក្នុងកិច្ចប្រជុំកំពូលអាស៊ីបូព៌ានៅរាជធានីភ្នំពេញនាថ្ងៃអាទិត្យ ទី១៣ ខែវិច្ឆិកានេះ បញ្ហារួមទាំង កូរ៉េខាងជើង និងអ៊ុយក្រែន នឹងត្រូវបានលើកយកមកពិភាក្សាពីសំណាក់មេដឹកនាំកំពូលៗ ។

ក្នុងកិច្ចប្រជុំកំពូលនេះ រួមមានសមាជិកនៃប្រទេសអាស៊ាន ហើយក៏មានវត្តមានរបស់លោកនាយករដ្ឋមន្ត្រីជប៉ុន Kishida Fumio, ប្រធានាធិបតីអាមេរិកលោក Joe Biden, លោកនាយករដ្ឋមន្ត្រីចិន Li Keqiang និងរដ្ឋមន្ត្រីការបរទេសរុស្ស៊ីលោក Sergey Lavrov និងប្រជាជាតិអាស៊ីប៉ាស៊ីហ្វិកដទៃទៀតចូលរួមផងដែរ ។
ចំពោះបញ្ហាដែលមេដឹកនាំទាំងនោះ នឹងត្រូវលើកយកមកពិភាក្សាក្នុងសេចក្ដីព្រាងនោះ គឺក្តីបារម្ភចំពោះការបាញ់មីស៊ីលនាពេលថ្មីៗនេះរបស់កូរ៉េខាងជើង ដែលគំរាមកំហែងដល់សន្តិភាព និងស្ថិរភាពក្នុងតំបន់ និងពិភពលោកទាំងមូល ។ មិនតែប៉ុណ្ណោះ ក៏អំពាវនាវដល់ទីក្រុងព្យុងយ៉ាង គោរពឲ្យបានពេញលេញនូវដំណោះស្រាយដែលពាក់ព័ន្ធរបស់ក្រុមប្រឹក្សាសន្តិសុខអង្គការសហប្រជាជាតិ ។

ចំណែកទាក់ទងនឹងសង្រ្គាមនៅអ៊ុយក្រែនវិញ បញ្ហាដែលសំខាន់នោះ គឺសារៈសំខាន់នៃការបញ្ឈប់អរិភាពជាបន្ទាន់ ហើយក៏តម្រូវឲ្យមានការគោរពអធិបតេយ្យភាព ឯករាជ្យភាពនយោបាយ និងបូរណភាពទឹកដីជាដើម ។
ទន្ទឹមនោះ សេចក្តីព្រាងច្បាប់នេះ ក៏លើកឡើងផងដែរ ពីស្ថានភាពនៅសមុទ្រចិនខាងត្បូង ដោយសង្កត់ធ្ងន់លើ តម្រូវការដើម្បីបង្កើនទំនុកចិត្តទៅវិញទៅមក ក៏ដូចជាអនុវត្តការអត់ធ្មត់ ចំពោះការធ្វើសកម្មភាពដែលអាចនឹងធ្វើឲ្យមានភាពស្មុគស្មាញ ឬបង្កើនជម្លោះ ។

ស្របពេលជាមួយគ្នានេះ នៅក្នុងកិច្ចប្រជុំកំពូលនោះក៏នឹងមានការជជែកដេញដោលយ៉ាងក្តៅគគុកផងដែរ ពីសំណាក់មហាអំណាចដូចជា សហរដ្ឋអាមេរិក ចិន និងរុស្ស៊ី ចំពោះបញ្ហាកូរ៉េខាងជើង និងសង្គ្រាមនៅអ៊ុយក្រែននេះ ៕
ប្រែសម្រួលដោយ ៖ នាង រតនៈ
ប្រភព ៖ NHK
ចុចអាន ៖ ដឹងទេ រថយន្ត ប្លាំងដាស់ របស់លោក ចូ បៃដិន ជិះចូលរួមកិច្ចប្រជុំនៅ កម្ពុជា មានតម្លៃប៉ុន្មាន?

-
ព័ត៌មានអន្ដរជាតិ៧ ថ្ងៃ ago
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
សន្តិសុខសង្គម១ ថ្ងៃ ago
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានជាតិ៦ ថ្ងៃ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម១ សប្តាហ៍ ago
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ជីវិតកម្សាន្ដ១ ថ្ងៃ ago
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ១៧ ម៉ោង ago
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៤ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ១ សប្តាហ៍ ago
ឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ