អាមេរិក ថា ចិន នឹងទទួលបានប្រយោជន៍ ពេល រុស្ស៊ី កំណត់តម្លៃប្រេង

រដ្ឋលេខាធិការរតនាគារសហរដ្ឋអាមេរិកលោកស្រី Janet Yellen បាននិយាយនៅថ្ងៃចន្ទនេះថា ការទិញប្រេងរបស់ចិនពីរុស្ស៊ី គឺស្របទាំងស្រុងជាមួយផែនការរបស់ប្រទេសលោកខាងលិច ក្នុងការរក្សាប្រេងឆៅរបស់រុស្ស៊ី​នៅលើទីផ្សារពិភពលោក ។

នៅខាងក្រៅកិច្ចប្រជុំ​ G20 នៅកោះបាលី អ្នកស្រី Yellen ថ្លែងប្រាប់អ្នកកាសែតថា ​ការទិញប្រេងនេះ ចិន នឹងទទួលបានអត្ថប្រយោជន៍ពីយន្តការកំណត់តម្លៃថ្មីដែលនឹងត្រូវដាក់កំណត់ក្នុងខែធ្នូខាងមុខ ។

ម្យ៉ាងទៀត ក្រៅពីចិន ប្រទេសផ្សេងៗដែលទិញប្រេងរុស្ស៊ី នឹងមានអានុភាពបន្ថែមទៀតដើម្បីចរចាតម្លៃទិញក្នុងកម្រិតទាប ។

ទន្ទឹមនោះ អ្នកស្រីបញ្ជាក់ថា នៅពេលតម្លៃប្រេងបានកំណត់ នោះ ចិន ឥណ្ឌា និងប្រទេសផ្សេងៗដែលទិញប្រេងពី ចិន សុទ្ធតែទទួលបានប្រយោជន៍ទាំងអស់ ៕

ប្រែសម្រួលដោយ ៖ នាង រតនៈ

ប្រភព ៖ Reuters

ចុចអាន ៖ លោក Zelensky នឹងអនុញ្ញាតឲ្យថ្លែងសុន្ទរកថាក្នុងកិច្ចប្រជុំ G20 នៅ ឥណ្ឌូណេស៊ី