បង្ហាញវីដេអូ យន្តហោះ២គ្រឿង បុកគ្នាពេញទំហឹង នៅពិព័រណ៍​ អាមេរិក 

យន្តហោះចម្បាំងសម័យសង្គ្រាមលោកលើកទី២ ចំនួន២គ្រឿង បានបុកគ្នាពេញទំហឹង និងធ្លាក់នៅពិព័រណ៍យន្តហោះមួយក្នុងរដ្ឋតិចសាស់ សហរដ្ឋអាមេរិក ដោយបានសម្លាប់មនុស្សចំនួន៦នាក់។

វីដេអូ បានបង្ហាញពីយន្តហោះបុកគ្នាក្នុងរយៈកម្ពស់ទាប ដោយធ្វើឲ្យយន្តហោះមួយគ្រឿង ត្រូវដាច់ជាពីរ ធ្លាក់ឆេះយ៉ាងសន្ធោសន្ធៅ។

យន្តហោះទាំង២ កំពុងចូល​រួម​ក្នុង​ការ​សម្តែងលើ​អាកាស ​នៅ​ជិត​ទីក្រុង Dallas ពេលហេតុការណ៍កើតឡើងកាលពីថ្ងៃអាទិត្យទី១៣ខែវិច្ឆិកា។

ក្រុមពន្លត់អគ្គិភ័យនិយាយថា មិនមានអ្នករងរបួសទេ ក្នុងចំណោមអ្នកចូលរួមទស្សនាការសម្តែងនេះ។

សមាគមអ្នកបើកយន្តហោះសម្ព័ន្ធមិត្ត ដែលតំណាងឲ្យអ្នកបើកយន្តហោះអាមេរិក បាននិយាយថា អតីតសមាជិកពីរនាក់របស់ខ្លួនគឺលោក Terry Barker និង Len Root បានបាត់បង់ជីវិតនៅក្នុងការបុកគ្នានេះ។

គួរបញ្ជាក់ថា យន្តហោះទី១គឺយន្តហោះទម្លាក់គ្រាប់បែក B-17 បានដើរតួយ៉ាងសំខាន់ក្នុងការជ័យជម្នះសង្រ្គាមផ្លូវអាកាសប្រឆាំងនឹងប្រទេសអាល្លឺម៉ង់ក្នុង សង្គ្រាមលោកលើកទី២។

យន្តហោះទីពីរគឺ P-63 Kingcobra គឺជាយន្តហោះចម្បាំងដែលប្រើក្នុងសង្គ្រាមដូចគ្នា ប៉ុន្តែប្រើក្នុងការប្រយុទ្ធដោយកងទ័ពអាកាសសូវៀតប៉ុណ្ណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ យន្តហោះពីរគ្រឿងបុកគ្នាពេញទំហឹង ក្នុងពិធីពិព័រណ៍យន្តហោះ រំលឹកខួបសង្រ្គាមលោកលើកទី២