Connect with us

ព័ត៌មានអន្ដរជាតិ

អភិបាលក្រុងបាងកក បារម្ភផ្ទុះបាតុកម្ម អំឡុងកិច្ចប្រជុំ APEC (មានវីដេអូ)

បានផុស

នៅ

អភិបាលក្រុងបាងកក លោក Chadchart Sittipunt ទទួលស្គាល់ថា លោកពិតជាមានក្តីព្រួយបារម្ភអំពីបាតុកម្មដែលបានគ្រោងទុក ក្នុងអំឡុងពេលកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) លើកទី ២៩ ក្នុងទីក្រុងបាងកក នៅថ្ងៃសុក្រ និងថ្ងៃសៅរ៍។

អភិបាលក្រុងបាងកក លោក Chadchart Sittipunt
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​​និយាយ​ថា ប៉ូលិស​បាន​ស្នើ​ទៅ​រដ្ឋបាល​ក្រុង​បាងកក (BMA) ឲ្យ​កំណត់​តំបន់​មួយ​សម្រាប់​បាតុករ ដោយសារ​ហេតុផល​សន្តិសុខ និង​ការ​គ្រប់គ្រង​ចរាចរណ៍។

លោក Chadchart បន្តថា “BMA នឹងយកទីលាន Lan Khon Muang សម្រាប់ជាកន្លែងអនុញ្ញាតឲ្យការប្រមូលផ្តុំនយោបាយណាមួយ ក្នុងអំឡុងពេលកិច្ចប្រជុំកំពូលនេះ”។

ប៉ូលិសជាង ៣៥០០០នាក់ នឹងត្រូវដាក់ពង្រាយដើម្បីធានាសន្តិសុខក្នុងអំឡុងពេលកិច្ចប្រជុំកំពូល APEC។ នេះបើយោងតាមលោក Damrongsak Kittiprapas អគ្គស្នងការនគរបាលជាតិ។

លោក  Damrongsak និយាយថា ការបិទផ្លូវនឹងចូលជាធរមានចាប់ពីថ្ងៃស្អែកដល់ថ្ងៃសៅរ៍ តាមបណ្តោយផ្លូវ Ratchadaphisek ចន្លោះចំណុចប្រសព្វ Asok Montri និង Rama IV-Klong Toey។

ដោយឡែក លោកឧបនាយករដ្ឋមន្ត្រី Prawit Wongsuwon កាលពីថ្ងៃចន្ទ បានធ្វើជាប្រធានកិច្ចប្រជុំជាមួយក្រុមមន្ត្រីសន្តិសុខ ដើម្បីពិភាក្សាអំពីការគ្រប់គ្រងក្នុងអំឡុងពេលកិច្ចប្រជុំកំពូល APEC។ ក្រុមមន្ត្រីបានយល់ព្រមបង្កើតមជ្ឈមណ្ឌលបញ្ជាការរួមគ្នាមួយ ដើម្បីត្រួតពិនិត្យប្រតិបត្តិការសន្តិសុខ។

ប៉ុស្តិ៍ត្រួតពិនិត្យសន្តិសុខ ត្រូវបានបង្កើតឡើងនៅទីតាំងចំនួន ២៩ ក្នុងទីក្រុងបាងកក ខណៈ ភ្នាក់ងារសន្តិសុខ ត្រូវឃ្លាំមើលក្រុមអ្នកតវ៉ា និងអ្នកដែលមានដីកាចាប់ខ្លួន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Bangkok Post

ចុចអាន៖ នៅ APEC ប្រធានាធិបតីចិនព្រមានមិនត្រូវឲ្យភាពតានតឹងសង្គ្រាមត្រជាក់ត្រឡប់មកវិញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២៣ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ២០ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ១៨ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១៩ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២០ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម