ក្រៅពី ឥណ្ឌូណេស៊ី ជាម្ចាស់ផ្ទះ ប្រទេសអាស៊ាន ២ ទៀតក៏ត្រូវបាន​​អញ្ជើញ​ចូលរួមកិច្ចប្រជុំ G20 នៅកោះបាលី

ក្រៅពីឥណ្ឌូណេស៊ីជាប្រទេសម្ចាស់ផ្ទះកិច្ចប្រជុំកំពូល G20 ឆ្នាំ ២០២២ ក្នុងនោះប្រទេសអាស៊ានចំនួន ២ ទៀតដូចជា កម្ពុជា និងសិង្ហបុរី ក៏ត្រូវបានអញ្ជើញឲ្យចូលរួមក្នុងកិច្ចប្រជុំនៅកោះបាលីផងដែរ ។

ព្រះរាជាណាចក្រកម្ពុជាត្រូវបានអញ្ជើញឲ្យចូលរួមកិច្ចប្រជុំកំពូល G20 ក្នុងនាមជាប្រទេសម្ចាស់ផ្ទះរៀបចំកិច្ចប្រជុំកំពូលអាស៊ានលើកទី៤០ និងទី៤១ ក៏ដូចជាកិច្ចប្រជុំពាក់ព័ន្ធ នៅរាជធានីភ្នំពេញ ដែលទើបតែបញ្ចប់កាលពីថ្ងៃទី១៣ ខែវិច្ឆិកា ឆ្នាំ ២០២២ ប៉ុន្តែគណៈប្រតិភូទាំងអស់នឹងត្រឡប់មកមាតុភូមិវិញ ក្រោយសម្ដេចតេជោ ហ៊ុន សែន នាយរដ្ឋមន្ត្រីកម្ពុជា តេស្តឃើញកូវីដ ។

ដោយឡែកប្រទេសសិង្ហបុរីវិញ លោកនាយករដ្ឋមន្ត្រី Lee Hsien Loong បានអញ្ជើញចូលរួមក្នុងកិច្ចប្រជុំកំពូល G20 ដែលនឹងប្រព្រឹត្តទៅនៅថ្ងៃទី១៥ និងថ្ងៃទី១៦ ខែវិច្ឆិកា ក្នុងនាមជាភ្ញៀវកិត្តិយស ។

ឥណ្ឌូណេស៊ីដែលជាម្ចាស់ផ្ទះកិច្ចប្រជុំ G20 លើកទី ១៧ បានកំណត់របៀបវារៈដោយផ្តោតលើការស្តារសេដ្ឋកិច្ចឡើងវិញពីជំងឺរាតត្បាត វិធានការសុខភាពសកល និងថាមពលប្រកបដោយនិរន្តរភាព ។

គួរបញ្ជាក់ថា ឆ្នាំក្រោយ កិច្ចប្រជុំកំពូល G20 នឹងរៀបចំឡើងនៅទីក្រុង New Delhi ប្រទេសឥណ្ឌា ខណៈកាលពីឆ្នាំ ២០២១ ទីក្រុង Rome របស់ប្រទេសអ៊ីតាលី គឺជាម្ចាស់ផ្ទះនៃកិច្ចប្រជុំនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Wikipedia

ចុចអាន ៖ អ្វីគួរដឹងអំពីកិច្ចប្រជុំកំពូល G20 នៅ ឥណ្ឌូណេស៊ី ដែលចាប់ផ្តើមថ្ងៃនេះ