ចំនួនប្រជាជនពិភពលោក កើនដល់ ៨ពាន់លាននាក់ (មានវីដេអូ)

អង្គការសហប្រជាជាតិបានប្រកាសថា ចំនួនប្រជាជននៅលើផែនដី បានកើនដល់៨ពាន់លាននាក់ហើយ។ រឿងនេះកើតឡើង ១១ឆ្នាំ បន្ទាប់ពីចំនួនបានឈានដល់ ៧ពាន់លាននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គការសហប្រជាជាតិក៏បានប្រកាសដែរថា ឥណ្ឌា បានវ៉ាដាច់ ចិន ក្នុងនាមជាប្រទេសដែលមានប្រជាជនច្រើនជាងគេបំផុតនៅលើភពផែនដី។

ទារិកាម្នាក់នៅប្រទេសហ្វីលីពីន ត្រូវបានគេប្រកាសថា ជាបុគ្គលទី៨ពាន់លាន នៅពេលនាងកើតក្នុងមន្ទីរពេទ្យ Dr. Jose Fabella Memorial នៃទីក្រុងម៉ានីល កាលពីព្រឹកមិញ។

UN ក៏បានបញ្ជាក់ដែរថា ចំនួនប្រជាជននៅលើភពផែនដីរបស់យើង កំពុងកើនឡើងក្នុងអត្រាយឺតបំផុតចាប់តាំងពីឆ្នាំ១៩៥០មក។

ការព្យាករណ៍ចុងក្រោយរបស់ UN បង្ហាញថា ចំនួនប្រជាជនពិភពលោកអាចកើនឡើងដល់ប្រហែល ៨.៥ពាន់លាននាក់ក្នុងឆ្នាំ២០៣០ និង ៩.៧ពាន់លាននាក់នៅត្រឹមឆ្នាំ២០៥០។ វាត្រូវបានគេព្យាករណ៍ថា នឹងឈានដល់កម្រិតកំពូលប្រហែល ១០.៤ ពាន់លាននាក់ត្រឹមឆ្នាំ២០៨០៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Portsmouth

ចុចអាន៖ ប្រជាជនពិភពលោកមួយភាគបួននឹងមិនទទួលបានវ៉ាក់សាំងកូវីដឡើយរហូតដល់ឆ្នាំ២០២២ឯណោះ