រុស្ស៊ី៖ ឧប្បត្តិហេតុមីស៊ីលនៅប៉ូឡូញ បង្ហាញថា បស្ចិមប្រទេស កំពុងខិតទៅជិតសង្គ្រាមលោក

អតីតប្រធានាធិបតីរុស្ស៊ី លោក Dmitry Medvedev បាននិយាយនៅថ្ងៃពុធទី១៦ខែវិច្ឆិកានេះថា ការវាយប្រហារដោយមីស៊ីលលើទឹកដីប៉ូឡូញ បង្ហាញថា ប្រទេសលោកខាងលិច កំពុងខិតកាន់តែទៅជិតទៅសង្គ្រាមលោកមួយទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Medvedev បានសរសេរនៅលើ Twitter ថា “ឧប្បត្តិហេតុជាមួយ ការវាយប្រហារដោយមីស៊ីលនៅលើកសិដ្ឋានប៉ូឡូញ បានបង្ហាញឲ្យឃើញតែរឿងមួយគត់គឺថា ការធ្វើសង្រ្គាមកូនកាត់ប្រឆាំងនឹងប្រទេសរុស្ស៊ី ដោយលោកខាងលិចខិតកាន់តែជិតទៅនឹងសង្គ្រាមលោក”។

ប្រធានាធិបតីប៉ូឡូញ ដែលជាសមាជិកណាតូបាននិយាយមុននេះថា ប្រទេសនេះ មិនទាន់មានព័ស្តុតាងជាក់ស្តែងណាមួយដែលបង្ហាញថា នរណាជាអ្នកបាញ់មីស៊ីល ដែលវាយប្រហាររោងចក្រគ្រាប់ធញ្ញជាតិប៉ូឡូញនៅជាប់ព្រំដែនអ៊ុយក្រែន និងបានសម្លាប់មនុស្ស២នាក់ នៅឡើយទេ៕

ប្រែសម្រួល៖ Vann Vann

ប្រភព៖ Reuters

ចុចអាន៖ លោក Biden ថា មីស៊ីល ដែលវាយប្រហារប៉ូឡូញ មិនទំនងជាបាញ់ចេញពី រុស្ស៊ី ទេ