លោក Biden នឹងមិនមកប្រជុំ APEC នៅថៃទេ ព្រោះរវល់ការចៅ (មានវីដេអូ)

ប្រធានាធិបតី​អាមេរិក​លោក Joe Biden នឹង​មិន​ចូល​រួម​កិច្ច​ប្រជុំកំពូល APEC ក្នុងទីក្រុងបាងកក នៅ​ថ្ងៃ​ទី ១៨-១៩ ខែ​វិច្ឆិកានេះទេ។ នេះបើតាមការលើកឡើងរបស់អ្នកនាំពាក្យក្រសួងការបរទេសថៃលោក Tanee Sangrat។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tanee និយាយថា អនុប្រធានាធិបតីសហរដ្ឋអាមេរិក លោកស្រី Kamala Harris នឹងមកចូលរួមជំនួសលោក Biden។

យោងតាមរបាយការណ៍, លោក Biden នឹងត្រូវទទួលភ្ញៀវក្នុងពិធីរៀបអាពាហ៍ពិពាហ៍ចៅស្រីច្បងរបស់គាត់ឈ្មោះ Naomi Biden នៅថ្ងៃទី១៩ខែវិច្ឆិកាក្នុងសេតវិមាន។ Naomi គឺជាកូនស្រីច្បងរបស់លោក Hunter ដែលត្រូវជាកូនប្រុសរបស់លោក Biden។

ទោះបីជាយ៉ាងណាក៏ដោយ រដ្ឋមន្ត្រីការបរទេសថៃ លោក Don Pramudwinai បាននិយាយថា ប្រជាជនមិនចាំបាច់យកចិត្តទុកដាក់ទៅលើថាតើនរណានឹងតំណាងឲ្យប្រទេសអ្វី មកចូលរួមក្នុងកិច្ចប្រជុំកំពូលនេះនោះទេ។ ការផ្តោតសំខាន់គឺទៅលើប្រទេសណាដែលនឹងមកចូលរួម ឬប្រទេសណាមិនចូលរួម។

អគ្គស្នងការរងនគរបាលជាតិថៃ លោក Damrongsak Kittiprapas បាននិយាយថា មន្ត្រីប៉ូលិសជាង ១៥ ០០០នាក់នឹងត្រូវដាក់ពង្រាយ ដើម្បីធានាសន្តិសុខនៅកន្លែងនៃកិច្ចប្រជុំកំពូល APEC ទាំងក្នុង និងក្រៅទីក្រុងបាងកក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Bangkok Post

ចុចអាន៖ អ្នកកាសែតផ្សព្វផ្សាយកិច្ចប្រជុំ APEC នៅថៃ នឹងទទួលបានការម៉ាស្សា ដោយឥតគិតថ្លៃ