គណបក្សសាធារណរដ្ឋអាមេរិក ឈ្នះការគ្រប់គ្រងសភាតំណាងរាស្រ្ត 

គណបក្សសាធារណរដ្ឋ ទទួលបានអាសនៈចំនួន២១៨ដែលត្រូវការ ដើម្បីឈ្នះសំឡេងភាគច្រើននៅក្នុងសភាតំណាងរាស្រ្តសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះមិនឈ្នះដាច់ ប៉ុន្តែសំឡេងភាគច្រើនរបស់គណបក្សសាធារណរដ្ឋនៅក្នុងសភាតំណាងរាស្ដ្រនេះ គឺគ្រប់គ្រាន់ក្នុងការបញ្ឈប់របៀបវារៈរបស់លោកប្រធានាធិបតី Joe Biden សម្រាប់រយៈពេលពីរឆ្នាំខាងមុខ។

នេះសម្គាល់​ជា​ការ​វិល​ត្រលប់​ទៅ​កាន់​រដ្ឋាភិបាល​ដែល​បែកបាក់​គ្នា ព្រោះ​គណបក្ស​ប្រជាធិបតេយ្យ​នៅ​តែ​រក្សា​អំណាចនៅ​ក្នុង​ព្រឹទ្ធសភា។

ឥឡូវនេះ គណបក្សសាធារណរដ្ឋ ត្រូវបានគេព្យាករថានឹងឈ្នះចន្លោះពី ២១៨ ទៅ ២២៣អាសនៈនៅក្នុងសភាដែលមាន ៤៣៥អាសនៈ។

គួរបញ្ជាក់ថា លទ្ធផលនេះត្រូវបានបញ្ចេញ បន្ទាប់ពីអតីតប្រធានាធិបតីលោក ដូណាល់ ត្រាំ បានប្រកាសជាផ្លូវការកាលពីយប់ថ្ងៃអង្គារ នូវការប៉ុនប៉ងលើកទីបីសម្រាប់បេក្ខភាពឈរឈ្មោះប្រជែងតំណែងសេតវិមានក្នុងឆ្នាំ២០២៤៕

ប្រែសម្រួល៖ Vann Vann

ប្រភព៖ BBC

ចុចអាន៖ បោះឆ្នោតប្រធានាធិបតី អាមេរិក ឆ្នាំ ២០២៤ នឹងមានវត្តមានលោក ត្រាំ សាជាថ្មី