ព័ត៌មានអន្ដរជាតិ
រឿង២យ៉ាង រំខានកិច្ចប្រជុំកំពូល APEC នៅ ថៃ
មេដឹកនាំអាស៊ីប៉ាស៊ីហ្វិក បានប្រមូលផ្តុំគ្នាក្នុងទីក្រុងបាងកកនៅថ្ងៃសុក្រទី១៨ខែវិច្ឆិកានេះ សម្រាប់កិច្ចប្រជុំកំពូល APEC ប៉ុន្តែកាលវិភាគរបស់ពួកគេ ត្រូវបានរំខានដោយការសាកល្បងមីស៊ីលអន្តរទ្វីបរបស់កូរ៉េខាងជើង និងបាតុកម្មដែលប៉ូលិសថៃ បានបាញ់គ្រាប់កាំភ្លើងជ័រ ដើម្បីបំបែកហ្វូងបាតុករ។

អនុប្រធានាធិបតីអាមេរិកលោកស្រី Kamala Harris បានកោះប្រជុំមេដឹកនាំនៃប្រទេសអូស្ត្រាលី ជប៉ុន កូរ៉េខាងត្បូង កាណាដា និងនូវែលសេឡង់ នៅខាងក្រៅកិច្ចប្រជុំកំពូលនេះ ដើម្បីពិភាក្សាអំពីការបាញ់មីស៊ីលរបស់កូរ៉េខាងជើង។
មន្ត្រីទទួលបន្ទុកសន្តិសុខ សម្រាប់កិច្ចប្រជុំកំពូលបាននិយាយថា ប៉ូលិសបានបាញ់គ្រាប់កាំភ្លើងជ័រ ដើម្បីបំបែកក្រុមបាតុករប្រឆាំងរដ្ឋាភិបាលថៃប្រហែល៣៥០នាក់ បន្ទាប់មានពីការប៉ះទង្គិចគ្នានៅចម្ងាយប្រហែល១០គីឡូម៉ែត្រ ពីកន្លែងប្រជុំកំពូលក្នុងរាជធានីបាងកក។

មុននេះ ម្ចាស់ផ្ទះកិច្ចប្រជុំ APEC គឺនាយករដ្ឋមន្ត្រីថៃលោក Prayuth Chan-ocha បានជំរុញឲ្យថ្នាក់ដឹកនាំដែលចូលរួមក្នុងកិច្ចប្រជុំកំពូល ត្រូវស្វែងរកកំណើន និងការអភិវឌ្ឍប្រកបដោយនិរន្តរភាព បន្ទាប់ពីបញ្ហាប្រឈមផ្នែកសេដ្ឋកិច្ច និងសង្គមបណ្តាលមកពីវិបត្តិជំងឺរាតត្បាតកូវីដ១៩, បម្រែបម្រួលអាកាសធាតុ និងការប្រកួតប្រជែងភូមិសាស្ត្រនយោបាយ។

ដោយត្រូវបានបង្កើតឡើងដើម្បីលើកកម្ពស់សមាហរណកម្មសេដ្ឋកិច្ច, APEC មានសមាជិក២១ប្រទេស បានរួមចំណែក ៣៨% នៃចំនួនប្រជាជនពិភពលោក និង ៦២% នៃផលិតផលក្នុងស្រុកសរុប និង ៤៨% នៃពាណិជ្ជកម្ម។
APEC គឺជាកិច្ចប្រជុំកំពូលលើកទីបីក្នុងតំបន់ ក្នុងរយៈពេលមួយសប្តាហ៍។ កិច្ចប្រជុំកំពូលអាស៊ីអាគ្នេយ៍ ដែលរួមមានចិន ជប៉ុន និងសហរដ្ឋអាមេរិក បានធ្វើឡើងនៅក្នុងប្រទេសកម្ពុជា ខណៈក្រុមប្រទេស G20 បានជួបប្រជុំគ្នានៅលើកោះបាលីរបស់ប្រទេស ឥណ្ឌូណេស៊ី៕
ប្រែសម្រួល៖ Vann Vann
ប្រភព៖ Reuters

-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៥ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានអន្ដរជាតិ២ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ព័ត៌មានជាតិ៥ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ៣ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ៦ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត
-
សន្តិសុខសង្គម២ ថ្ងៃ ago
របួស១៤នាក់ ក្នុងហេតុការណ៍រថយន្តដឹកនិស្សិតកសិកម្មចុះកម្មសិក្សានៅមណ្ឌលគិរី ជួបគ្រោះថ្នាក់ចរាចរណ៍
-
ជីវិតកម្សាន្ដ៥ ថ្ងៃ ago
មិនដឹងមានវិបត្តិអ្វី! Justin Bieber ប្រែស្គមស្គាំង ដើរម្នាក់ឯង ដូចមនុស្សមានបញ្ហាផ្លូវចិត្ត