ព័ត៌មានអន្ដរជាតិ
ដឹងទេ ត្រឹមពាក់កណ្ដាលខែវិច្ឆិកានេះ កូរ៉េខាងជើង បាញ់មីស៊ីលប៉ុន្មានគ្រាប់ហើយ?
កូរ៉េខាងជើងបាននឹងកំពុងបាញ់មីស៊ីលក្នុងចំនួន និងល្បឿនមិនធ្លាប់មានពីមុនមក ពោលមិនបានបង្អង់ដៃនោះទេដោយគិតត្រឹមពាក់កណ្ដាលខែវិច្ឆិកានេះ រដ្ឋាភិបាលទីក្រុងព្យុងយ៉ាងបាញ់មីស៊ីលសរុប ៣៣ គ្រាប់ហើយ ។
កាលពីថ្ងៃទី២ ខែវិច្ឆិកា កូរ៉េខាងជើងបានបាញ់កាំជ្រួចមីស៊ីល ២០ គ្រាប់ជាលើកដំបូងរបស់ខ្លួន ហើយបានឆ្លងកាត់ព្រំដែនសមុទ្រដែលកំណត់ដោយអង្គការសហប្រជាជាតិជាមួយកូរ៉េខាងត្បូង ។
នៅថ្ងៃបន្ទាប់ ប្រទេសនេះបានបាញ់មីស៊ីលមួយគ្រាប់ដែលគេសង្ស័យថាជាប្រភេទមីស៊ីលផ្លោងអន្តរទ្វីប ICBM ចេញពីតំបន់ Sunan ជាយក្រុងព្យុងយ៉ាង ។ ក្រោយមកទៀត កូរ៉េខាងជើងក៏បានបាញ់បង្ហោះកាំជ្រួចមីស៊ីលផ្លោងរយៈចម្ងាយខ្លីចំនួន ២ គ្រាប់ទៀតនៅជិតទីក្រុង Kaechon ក្នុងខេត្ត South Phyongan ។
នៅពេលល្ងាចថ្ងៃដដែលនោះ កូរ៉េខាងជើងបានបាញ់មីស៊ីលផ្លោងរយៈចម្ងាយខ្លីចំនួន ៣ គ្រាប់ចេញពីទីក្រុង Koksan ក្នុងខេត្ត North Hwanghae ខណៈ ២ ថ្ងៃក្រោយមក បានបាញ់មីស៊ីលផ្លោងរយៈចម្ងាយខ្លីចំនួន ៤ គ្រាប់ទៀតពីទីក្រុង Donglim ក្នុងខេត្ត North Phyongan ភាគពាយ័ព្យ ។
ចំណែកកាលពីថ្ងៃទី៩ ខែវិច្ឆិកា កូរ៉េខាងជើងបានបាញ់មីស៊ីលផ្លោងរយៈចម្ងាយខ្លីមួយគ្រាប់នៅទីក្រុង Sukchon ក្នុងខេត្ត South Phyongan ដែលស្ថិតនៅភាគខាងលិចរបស់ប្រទេស ។
ក្រោយមកកូរ៉េខាងជើងហាក់ស្ងប់ស្ងាត់ការបាញ់មីស៊ីលមួយរយៈផងដែរ ពោលបានអូសបន្លាយពេលរហូតដល់ថ្ងៃទី១៧ ខែវិច្ឆិកា ទើបរដ្ឋាភិបាលទីក្រុងព្យុងយ៉ាងបង្ហាញសកម្មភាពសាជាថ្មី ។ នៅថ្ងៃនោះកូរ៉េខាងជើងបានបាញ់មីស៊ីលផ្លោងរយៈចម្ងាយខ្លីមួយគ្រាប់ឆ្ពោះទៅកាន់ដែនទឹកភាគខាងកើតរបស់ខ្លួន ។
មួយថ្ងៃក្រោយមក ប្រទេសកូរ៉េខាងជើងបានបាញ់បង្ហោះមីស៊ីលផ្លោងអន្តរទ្វីប ICBM រយៈចម្ងាយឆ្ងាយមួយគ្រាប់ទៀតហោះឆ្ពោះទៅសមុទ្រជប៉ុន បន្ទាប់ពីទើបតែគំរាមឆ្លើយតបផ្នែកយោធាខ្លាំងក្លាទៅអាមេរិក ។
គួរបញ្ជាក់ថា ការបាញ់មីស៊ីលជាបន្តបន្ទាប់របស់កូរ៉េខាងជើង កើតឡើងជាការឆ្លើយតបទៅនឹងការធ្វើសមយុទ្ធយោធារួមគ្នារបស់កូរ៉េខាងត្បូង និងសហរដ្ឋអាមេរិក ក៏ដូចជាគំរាមផ្នែកយោធាដ៏ខ្លាំងក្លាចំពោះកិច្ចខិតខំប្រឹងប្រែងរបស់អាមេរិកក្នុងការបង្កើនវត្តមានសន្តិសុខរបស់ខ្លួននៅក្នុងតំបន់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ២១ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?