ព័ត៌មានអន្ដរជាតិ

៥ ចំណុចគួរដឹង មុនយុគសម័យរបស់លោកស្រី Pelosi ដល់ទីបញ្ចប់

បានផុស

២ years មុន

នៅ

ថ្ងៃសៅរ៍ ១៩ វិច្ឆិកា ២០២២

ដោយ

ការសម្រេចចិត្តរបស់លោកស្រី Nancy Pelosi ក្នុងការលាលែងពីតំណែងជាប្រធានសភារបស់គណបក្សប្រជាធិបតេយ្យ គឺជាពេលវេលាដ៏សំខាន់មួយនៅក្នុងនយោបាយទីក្រុងវ៉ាស៊ីនតោន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសរបស់លោកស្រីក៏បានធ្វើឲ្យមានការភ្ញាក់ផ្អើលយ៉ាងខ្លាំងផដែរនៅទូទាំងសភាដែលលោកស្រីបានដឹកនាំគណបក្សរបស់លោកស្រីអស់រយៈពេល ២ ទសវត្សរ៍ចុងក្រោយនេះ ។

នេះគឺជាចំណុចគួរដឹងទាំង ៥ ខណៈសម័យកាលរបស់លោកស្រី Pelosi ត្រូវបានបញ្ចប់ ៖

ស្ត្រីម្នាក់គត់កាន់តំណែងប្រធានសភា

លោកស្រី Nancy Pelosi គឺជាឥស្សរជនប្រវត្តិសាស្ត្រមួយរូប និងបានក្លាយជាស្ត្រីជាប់ឆ្នោតដ៏មានឥទ្ធិពលបំផុតក្នុងប្រវត្តិសាស្ត្រសហរដ្ឋអាមេរិក នៅពេលដែលលោកស្រីបានឡើងកាន់តំណែងជាប្រធានសភាក្នុងឆ្នាំ ២០០៧ បន្ទាប់មកបានបន្តភាពអស្ចារ្យនេះម្តងទៀតនៅឆ្នាំ ២០១៩ ។

សុន្ទរកថាបង្រួបបង្រួម

សុន្ទរកថាលាលែងពីតំណែងរបស់លោកស្រី Pelosi កាលពីថ្ងៃទី១៧ ខែវិច្ឆិកា បានបង្ហាញពីសាររួបរួម និងឧត្តមគតិខ្ពស់ ជាពិសេសសម្រាប់ព្រឹត្តិការណ៍នៅវិមាន Capitol និងថែមទាំងបានអំពាវនាវឲ្យឥស្សរជនសាធារណរដ្ឋល្បីៗ បង្កើតគោលការណ៍រួមគ្នាដើម្បីប្រទេសជាតិផងដែរ ។

ការផ្លាស់ប្តូរអ្នកដឹកនាំ

ការសម្រេចចិត្តរបស់លោកស្រី Pelosi គឺជាការត្រួសត្រាយផ្លូវសម្រាប់មនុស្សជំនាន់ថ្មីដើម្បីដឹកនាំក្នុងជួរគណបក្សប្រជាធិបតេយ្យ ។ ការលាលែងពីតំណែងរបស់លោកស្រី Pelosi រួមជាមួយនឹងតំណាងរាស្រ្តលោក Steny Hoyer និង James Clyburn បានធ្វើឲ្យមានការបែកបាក់ភាពជាអ្នកដឹកនាំរបស់អ្នកទាំងបីដែលខិតខំបង្កើតឡើងក្នុងរយៈពេល ២ ទសវត្សរ៍មកនេះ ។

ការបែងចែកសភា និងប្រទេស

ការបែងចែកសមាជិកក្នុងបក្សកាន់តែអាក្រក់ទៅៗ ក្នុងអំឡុងពេលនៃការកាន់តំណែងរបស់លោកស្រី Pelosi នៅវិមាន Capitol ។ សុន្ទរកថារបស់លោកស្រី Pelosi ពាក់ព័ន្ធនឹងវិមាន Capitol គឺបង្ហាញរូបភាពកាន់តែច្បាស់នៃការបែងចែកបក្សពួកនិយមដែលធ្វើឲ្យមានការញាំញីទាំងសភា និងប្រទេស ។

ការព្រមានអំពីលទ្ធិប្រជាធិបតេយ្យ

សុន្ទរកថារបស់លោកស្រី Pelosi មិនត្រឹមតែមិនវាយប្រហារទៅលើគណបក្សសាធារណរដ្ឋប៉ុណ្ណោះទេ ថែមទាំងធ្វើឲ្យគណបក្សប្រជាធិបតេយ្យមានការឈឺចាប់ផងដែរ ហើយវាគឺជាការប្រកែកយ៉ាងច្បាស់អំពីសារៈសំខាន់នៃការការពារគោលការណ៍គ្រឹះរបស់អាមេរិក ។

ប្រធានសភារូបនេះបាននិយាយថា “លទ្ធិប្រជាធិបតេយ្យរបស់អាមេរិកគឺអស្ចារ្យ ប៉ុន្តែវាមានភាពផុយស្រួយ ។ លទ្ធិប្រជាធិបតេយ្យគួរតែត្រូវបានការពារជារៀងរហូតពីកងកម្លាំងដែលចង់បំផ្លាញវា” ៕

ប្រែសម្រួលដោយ ៖ ជីវ័ន្ត

ប្រភព ៖ The Hill

ចុចអាន ៖ លោកស្រី Pelosi ប្រកាសលាលែងពីតំណែង ជាមេដឹកនាំសភា