ប្រវត្តិសាស្រ្ត! ប្រទេសអ្នកមាន យល់ព្រមសងប្រទេសអ្នកក្រ ដែលខូចខាតដោយសារ អាកាសធាតុ

រដ្ឋាភិបាលមកពីជុំវិញពិភពលោក បានយល់ព្រមឲ្យប្រទេសអ្នកមាន ជួយបង់ប្រាក់ទៅឲ្យប្រទេសងាយរងគ្រោះ សម្រាប់ការខូចខាតដែលពួកគេកំពុងទទួលរងពីបម្រែបម្រួលអាកាសធាតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះគឺជាកិច្ចព្រមព្រៀងជាប្រវត្តិសាស្រ្ត ដែលបានយកឈ្នះលើការតស៊ូរយៈពេលច្រើនទសវត្សរ៍របស់សហរដ្ឋអាមេរិក និងអឺរ៉ុប។

កិច្ចព្រមព្រៀងនេះ បានឈានដល់នៅចុងបញ្ចប់នៃកិច្ចប្រជុំកំពូលអាកាសធាតុរបស់អង្គការសហប្រជាជាតិរយៈពេល១៤ថ្ងៃក្នុងទីក្រុង Sharm El Sheikh នៃប្រទេសអេហ្ស៊ីប ហើយសេចក្តីប្រកាស បានបង្កឲ្យមានការអបអរសាទរយ៉ាងកងរំពងនៅក្នុងបន្ទប់ប្រជុំ។

សេចក្តីសម្រេចនេះ រួមបញ្ចូលទាំងការលាយបញ្ចូលគ្នានៃហិរញ្ញប្បទានរបស់រដ្ឋាភិបាល និងឯកជនដែលនឹងចូលទៅក្នុងមូលនិធិអាកាសធាតុ ក៏ដូចជាការទាមទាររបស់សហរដ្ឋអាមេរិក និងអឺរ៉ុបដែលឲ្យចិន និងប្រទេសមានប្រាក់ចំណូលមធ្យមផ្សេងទៀត ចូលរួមចំណែកផងដែរ៕

ប្រែសម្រួល៖ Vann Vann

ប្រភព៖ Politico

ចុចអាន៖ អាកាសធាតុ សម្លាប់ប្រជាជនអឺរ៉ុប ១៤២,០០០នាក់ ក្នុងរយៈពេល៤០ឆ្នាំចុងក្រោយ