ព័ត៌មានអន្ដរជាតិ
ថៃបង្ហាញមុខអ្នកត្រូវឆ្នោតជាតិជាង៥៤លានបាត ផ្អើលប្រទេសថៃ
ប្រទេសថៃ៖កាលពីម្សិលមិញកាសែត ថៃរ៉ាត់បានចេញផ្សាយ និងបានបង្ហាញមុខប្រជាពលរដ្ឋថៃ ដែលបានក្លាយជាសេដ្ឋីតែមួយប៉ប្រិចភ្នែក បន្ទាប់ពីបានត្រូវឆ្នោតជាតិរង្វាន់ធំ រហូតដល់ ជាង៥៤លានបាត ដោយសារខ្មោចឪពុកដែលទើប និងស្លាប់ជាង១ខែ មកពន្យល់សុបិនប្រាប់។
ការភ្ញាក់ផ្អើលនេះ គឺម្ចាស់ពុំបានដឹងខ្លួនឡើយ ក្រោយពីឆ្នោតជាតិ បានចេញផ្សាយកាលពីថ្ងៃទី១៦ ខែវិច្ឆិកា កន្លងទៅថ្មីៗនេះ រហូតដល់ក្រុមហ៊ុនឆ្នោត ទូរស័ព្ទមកប្រាប់ទើបបានដឹងថាខ្លួនត្រូវឆ្នោត ហើយក៏បានចាត់ចែងរៀបចំតុចិន ដើម្បីហៅអ្នកភូមិមកចូលរួមពិធីជប់លៀងតែម្តង។
លោកស្រី សិរី ដាវ អាយុ៤៦ឆ្នាំ រស់នៅឃុំគោកកូ ស្រុកមឿង ខេត្តឡុបបុរី ប្រទេសថៃ បាននិយាយថា ក្រោយពីលោកតាបានចែកឋានទៅកាលពីអំឡុងដើមខែតុលា ឆ្នាំ២០២២ កន្លងទៅថ្មីៗនេះ លោកតាបានមកពន្យល់សុបិនឱ្យទិញឆ្នោតលេខ ៧៨៩ ។
លោកស្រីបានបន្តថា ចាប់តាំងពីពេលនោះមក លោកស្រីបានតាមរកទិញសន្លឹកឆ្នោតដែលខាងចុងមានលេខ ៧៨៩ ពីលើករួចមកហើយ តែមិនមានសំណាងត្រូវឡើយ។ លុះនៅថ្ងៃទី ១៦ ខែវិច្ឆិកា លោកស្រីបានទៅទិញឆ្នោតជាតិចំនួន ៨ សន្លឹក ដែលមានលេខ ១២១៧៨៩ ដូចគ្នាទាំងអស់ ហើយនៅពេលមកដល់ផ្ទះវិញ ដោយឃើញបងប្អូននៅក្បែរផ្ទះលក់ឆ្នោត មាន៣លេខខាងចុង ៧៨៩ ខ្លួនក៏បានទិញបន្ថែមមួយចំនួនទៀត រួចក៏មិនបានចាប់អារម្មណ៍ថា ឆ្នោតចេញលេខប៉ុន្មាននោះឡើយ។
លុះស្អែកឡើង ក្រុមហ៊ុនឆ្នោតជាតិបានទូរស័ព្ទមកប្រាប់លោកស្រីថា លោកស្រីបានត្រូវឆ្នោតរង្វាន់ធំចំនួន៨សន្លឹក ស្មើនឹង ៤៨ លានបាត ដោយក្រុមហ៊ុននឹងដឹកប្រាក់ទាំងនោះមកប្រគល់ឱ្យដល់ផ្ទះតែម្តង ពេលនោះហើយដែលលោកស្រីស្ទុះទៅយកឆ្នោត១សន្លឹកដែលលោកស្រីទិញ បងប្អូននៅក្បែរផ្ទះយកមកមើល ក៏ត្រូវរង្វាន់ធំដូចគ្នាដែរ ទើបមានការភ្ញាក់ផ្អើលពេលប្រទេសថៃតែម្តង។
ក្រុមហ៊ុនឆ្នោតជាតិបានបង្ហាញតួលេខទឹកប្រាក់សរុបដែលលោកស្រី សិរី ដាវ បានត្រូវឆ្នោតនៅពេលនេះ គឺ ៖ ត្រូវ រង្វាន់ទី១ ចំនួន ៨ សន្លឹក ស្មើនឹង ៤៨ លានបាត ត្រូវរង្វាន់១សន្លឹកដែលទិញក្បែរផ្ទះ ស្មើនឹង ៦ លានបាត ត្រូវរង្វាន់៣លេខ ខាងចុង ចំនួន៥សន្លឹក ស្មើនឹង ២ ម៉ឺនបាត
នឹងត្រូវរង្វាន់២លេខខាងចុង ចំនួន ៥ សន្លឹក ស្មើនឹង ១ ម៉ឺនបាត សរុបជាទឹកប្រាក់ទាំងអស់មានចំនួន ៥៤លាន និង៣ម៉ឺនបាត ដែលធ្វើឱ្យលោកស្រីក្លាយជាសេដ្ឋីភ្លាមៗតែម្តង ៕
អត្ថបទ៖ សោ និយមរ័ត្ន
រដ្ឋបាលខេត្តតាកែវ ដឹកនាំមន្ត្រីទស្សនកិច្ចនៅតំបន់អភិវឌ្ឍន៍តាមព្រំដែនខេត្តស្ទឹងត្រែង
អគ្គស្នងការរង រម្លឹកនគរបាលប៉ុស្តិ៍ត្រូវធ្វើឥរិយាបទជាអ្នកបម្រើសេវាសាធារណៈជូនពលរដ្ឋឱ្យល្អ
រដ្ឋាភិបាល និងវិស័យឯកជនរួមគ្នាបើកយុទ្ធនាការលើកកម្ពស់ និងផ្សព្វផ្សាយការយល់ដឹងអំពីការពិសាគ្រឿងស្រវឹង
អាជ្ញាធរសុខាភិបាលអាមេរិកកំពុងតាមដានករណីសង្ស័យឆ្លងជំងឺផ្តាសាយបក្សីពីមនុស្សទៅមនុស្ស
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
ស្នងការរាជធានី ចេញមុខបំភ្លឺបន្ទាប់ពីគណនីហ្វេសប៊ុកមួយបង្ហោះសាររកយុត្តិធម៌ពីករណីគ្រោះថ្នាក់ចរាចរណ៍
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
ត្រាំ ប្រាប់ទៅ ហ្សេលេនស្គី ថា លោកមិនដូរចិត្តឡើយ លើបញ្ហាសង្គ្រាមរុស្ស៊ី-អ៊ុយក្រែន
រថភ្លើងល្បឿនលឿនដែលទិញពីជប៉ុន បើកទទួលកក់សំបុត្រដឹកភ្ញៀវ ក្នុងឱកាសបុណ្យភ្ជុំបិណ្ឌ
បុរសម្នាក់ចូលព្រៃកាប់ឈើ ក្នុងតំបន់ហាមឃាត់ជាន់មុីនបណ្តាលឲ្យដាច់ជើងម្ខាងរបួសធ្ងន់
-
ព័ត៌មានអន្ដរជាតិ៤ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ