ព័ត៌មានអន្ដរជាតិ

អតីតនាយករដ្ឋមន្ត្រីជប៉ុន ថា លោក Zelensky កំពុងធ្វើឲ្យប្រជាជន អ៊ុយក្រែន រងទុក្ខវេទនា

បានផុស

២ years មុន

នៅ

ថ្ងៃចន្ទ ២១ វិច្ឆិកា ២០២២

ដោយ

អតីតនាយករដ្ឋមន្ត្រីជប៉ុនលោក Yoshiro Mori បាននិយាយថា ប្រធានាធិបតីអ៊ុយក្រែនលោក Volodymyr Zelensky បានធ្វើឲ្យប្រជាជនក្នុងប្រទេសរបស់លោក “រងទុក្ខវេទនា” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mori បាននិយាយនៅក្នុងសុន្ទរកថានៅឯព្រឹត្តិការណ៍នយោបាយក្នុងទីក្រុងតូក្យូថា “ខ្ញុំមិនយល់ទេ ហេតុអ្វីបានជាមានតែប្រធានាធិបតីរុស្ស៊ីលោក Vladimir Putin ប៉ុណ្ណោះ ដែលត្រូវបានគេរិះគន់ ខណៈលោក Zelensky វិញ មិនត្រូវបានគេយកមកនិយាយទាល់តែសោះនោះ” ។

ទន្ទឹមនោះ លោក Mori ក៏បានព្រមានដែរថា រុស្ស៊ីអាចប្រើអាវុធនុយក្លេអ៊ែរ ប្រសិនបើស្ថានការណ៍កាន់តែយ៉ាប់យ៉ឺន បើទោះជាលោក ពូទីន បានបញ្ជាក់ជាថ្មីកាលពីខែមុនថា ទីក្រុងមូស្គូនឹងប្រកាន់ខ្ជាប់នូវគោលលទ្ធិនុយក្លេអ៊ែររបស់ខ្លួន ដែលចែងថា រុស្ស៊ីនឹងប្រើប្រាស់ឃ្លាំងអាវុធនុយក្លេអ៊ែររបស់ខ្លួន តែក្នុងការឆ្លើយតបទៅនឹងការវាយប្រហារដោយអាវុធប្រល័យលោក ឬប្រសិនបើអត្ថិភាពនៃរដ្ឋខ្លួនឯងស្ថិតក្នុងហានិភ័យប៉ុណ្ណោះ ។

ប្រទេសជប៉ុន រួមជាមួយនឹងប្រទេសលោកខាងលិចជាច្រើន បានដាក់ទណ្ឌកម្មលើប្រទេសរុស្ស៊ី បន្ទាប់ពីបានចាប់ផ្តើមប្រតិបត្តិការយោធារបស់ខ្លួននៅក្នុងប្រទេសអ៊ុយក្រែនកាលពីចុងខែកុម្ភៈ ខណៈទីក្រុងមូស្គូបានឆ្លើយតបវិញ ដោយការចុះក្នុងបញ្ជីខ្មៅសមាជិកសភាជប៉ុនជាង ៣៨០ និងហាមឃាត់លោក Kishida ក៏ដូចជាសមាជិកគណៈរដ្ឋមន្ត្រីកំពូលផ្សេងទៀតមិនឲ្យចូលប្រទេសរុស្ស៊ីផងដែរ ។

គួរបញ្ជាក់ថា លោក Mori បានធ្វើជានាយករដ្ឋមន្ត្រីជប៉ុនពីឆ្នាំ ២០០០ និង ២០០១ ។ ក្រោយមកគាត់បានដឹកនាំគណៈកម្មាធិការរៀបចំព្រឹត្តិការណ៍កីឡាអូឡាំពិករដូវក្តៅនៅទីក្រុងតូក្យូឆ្នាំ ២០២០ ប៉ុន្តែលោកបានលាលែងពីតំណែងជាច្រើនខែ មុនពេលព្រឹត្តិការណ៍នេះបានចាប់ផ្តើម ដោយសារតែរឿងអាស្រូវជុំវិញការលើកឡើងអំពីផ្លូវភេទដែលគាត់បានលើកឡើងនៅក្នុងកិច្ចប្រជុំមួយ ៕