ចំនួនមនុស្សស្លាប់ និងរបួសក្នុងគ្រោះរញ្ជួយដីនៅ ឥណ្ឌូណេស៊ី កើនឡើងបន្ថែមទៀត

ក្រុមអ្នកជួយសង្គ្រោះនៅក្នុងប្រទេសឥណ្ឌូណេស៊ី កំពុងធ្វើការទាំងថ្ងៃទាំងយប់ ដើម្បីព្យាយាមស្វែងរកអ្នកនៅរស់រានមានជីវិត បន្ទាប់ពីការរញ្ជួយដីនៅកោះជ្វាខាងលិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមមន្ត្រីបានបញ្ជាក់ថា អ្នកស្លាប់បានកើនឡើងដល់ ២៦៨ នាក់ហើយ ភាគច្រើនជាកុមារ ខណៈ១៥១នាក់នៅតែបាត់ខ្លួន និងជាង ១០០០ នាក់ទៀតរងរបួស។

ផ្លូវដែលខូច និងទំហំដ៏ធំនៃតំបន់រងគ្រោះ ជាហេតុធ្វើឲ្យពិបាកក្នុងការកំណត់ទីតាំង និងជួយជនរងគ្រោះ។

ទីភ្នាក់ងារកាត់បន្ថយគ្រោះមហន្តរាយជាតិបាននិយាយថា ផ្ទះចំនួន ២២០០០ខ្នង ត្រូវខូចខាត ហើយមនុស្សជាង ៥៨ ០០០ នាក់កំពុងជ្រកកោននៅតាមទីតាំងជាច្រើននៅក្នុងតំបន់។

គួរបញ្ជាក់ជាថ្មី គ្រោះរញ្ជួយដីកម្រិត ៥.៦ រ៉ិចទ័រ បានវាយប្រហារតំបន់ភ្នំមួយកាលពីថ្ងៃចន្ទទី២១ខែវិច្ឆិកា ដែលបណ្តាលឲ្យមានការរអិលបាក់ដី ដែលបានកប់ភូមិទាំងមូលនៅជិតក្រុង Cianjur ភាគខាងលិចកោះជ្វា៕

ប្រែសម្រួល៖ Vann Vann

ប្រភព៖ BBC

ចុចអាន៖ ចំនួនមនុស្សស្លាប់ ក្នុងគ្រោះរញ្ជួយដីនៅ ឥណ្ឌូណេស៊ី កើនដល់ ២៥២នាក់