ព័ត៌មានអន្ដរជាតិ

ថៃ ស្នើបង្កើនកូតាបញ្ជូនពលករទៅធ្វើការនៅ កូរ៉េខាងត្បូង ចំនួន ៦០០ ភាគរយ

បានផុស

២ years មុន

នៅ

ថ្ងៃចន្ទ ២៨ វិច្ឆិកា ២០២២

ដោយ

រដ្ឋមន្ត្រីក្រសួងការងារថៃ លោក Suchat Chomklin កាលពីពេលថ្មីៗនេះបានជួបជាមួយលោក Moon Seung-hyun ឯកអគ្គរដ្ឋទូតនៃសាធារណៈរដ្ឋកូរ៉េប្រចាំនៅប្រទេសថៃ ដើម្បីពិភាក្សាអំពីបញ្ហាការងារ និងដោះស្រាយបញ្ហាពលករថៃ ដែលរស់នៅដោយខុសច្បាប់នៅប្រទេសកូរ៉េខាងត្បូង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Suchat បានបញ្ជាក់ថា ក្នុងជំនួបរវាងភាគីទាំងពីរ លោកបានលើកឡើងពីការស្នើឲ្យប្រទេសកូរ៉េបង្កើនកូតាសម្រាប់បញ្ជូនពលករថៃទៅធ្វើការនៅប្រទេសកូរ៉េខាងត្បូងបន្ថែមទៀតនៅឆ្នាំ ២០២៣ ពោលស្មើនឹងជាង ៦០០ ភាគរយ សរុបមានចំនួន ១៥,០០០ នាក់ ដែលពីដើមឡើយមានចំនួន ២,៥០០ នាក់ប៉ុណ្ណោះ ។

ទន្ទឹមនោះលោករដ្ឋមន្ត្រីរំពឹងថា អនាគតឆាប់ៗនេះប្រទេសកូរ៉េខាងត្បូងនឹងយល់ព្រមក្នុងការបង្កើនកូតាឲ្យពលករថៃទៅធ្វើការនៅកូរ៉េកាន់តែច្រើនឡើងៗ ដោយសារតែបច្ចុប្បន្ននេះ ប្រទេសកូរ៉េកំពុងឈានចូលទៅក្នុងសង្គមមនុស្សចាស់ជរា ហើយនឹងជួបបញ្ហាកង្វះខាតកម្លាំងពលកម្មកាន់តែច្រើនឡើងៗ ដូច្នេះហើយទើបមានតម្រូវការនាំចូលពលករបរទេសច្រើន ៕