អ៊ីស្រាអែល បញ្ជូនម៉ាស៊ីនភ្លើង ២០ គ្រឿងទៅ អ៊ុយក្រែន

យោងតាមការចុះផ្សាយរបស់សារព័ត៌មាន Times of Israel បានឲ្យដឹងថា ប្រទេសអ៊ីស្រាអែលនឹងបញ្ជូនម៉ាស៊ីនភ្លើងចំនួន ២០ ​គ្រឿងដែលគិតជាទឹកប្រាក់ប្រមាណជាង ១ លានដុល្លារទៅកាន់អ៊ុយក្រែនតាមរយៈសហភាពអឺរ៉ុប ខណៈបច្ចុប្បន្នប្រទេសនេះ​កំពុងតែខ្វះអគ្គិសនីប្រើប្រាស់ ។

ការបញ្ជូននេះធ្វើឡើង បន្ទាប់ពីមានជំនួបពិភាក្សាគ្នារវាងនាយករដ្ឋមន្ត្រីប្រទេសទាំងពីរតាមរយៈទូរស័ព្ទស្តីពីតម្រូវការថាម​ពលអគ្គិសនីនៅអ៊ុយក្រែន ។

ក្រៅពីការបញ្ជូនម៉ាស៊ីនភ្លើងផ្តល់ថាមពលអគ្គិសនីហើយ អ៊ីស្រាអែលក៏គ្រោងនឹងបញ្ជូនថ្នាំពេទ្យ និងបរិក្ខារពេទ្យដែលមានតម្លៃប្រហែល ១ លានដុល្លារថែមទៀត ទៅកាន់ប្រទេសអ៊ុយក្រែននាពេលខាងមុខនេះ ។

បើតាមរដ្ឋមន្ត្រីការបរទេសអ៊ុយក្រែន Dmytro Kuleba បង្ហាញថា រដ្ឋាភិបាលទីក្រុងកៀវគឺបានឈានដល់កិច្ចព្រមព្រៀងជាមួយប្រទេសចំនួន ១២ រួមទាំងអ៊ីស្រាអែលផងដែរ លើការផ្តល់ឧបករណ៍ផ្គត់ផ្គង់ថាមពលអគ្គិសនីដល់អ៊ុយក្រែន ៕

ប្រែសម្រួលដោយ ៖ នាង​ រតនៈ

ប្រភព ៖ Sputnik

ចុចអាន ៖ អាមេរិក កំពុងភ័យខ្វះអាវុធឲ្យ តៃវ៉ាន់ ក្រោយសម្រុកផ្ដល់ទៅ អ៊ុយក្រែន