ព័ត៌មានអន្ដរជាតិ

លោក Hakeem Jeffries ក្លាយជាមេដឹកនាំរដ្ឋសភាអាមេរិក ស្បែកខ្មៅដំបូងគេ

បានផុស

២ years មុន

នៅ

ថ្ងៃព្រហស្បតិ៍ ១ ធ្នូ ២០២២

ដោយ

នៅថ្ងៃព្រហស្បតិ៍ទី០១ខែធ្នូនេះ អ្នកប្រជាធិបតេយ្យ បានបោះឆ្នោតជ្រើសរើសសមាជិកសភាទីក្រុងញូវយ៉កលោក Hakeem Jeffries ឲ្យក្លាយជាមេដឹកនាំថ្មីរបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងនេះធ្វើឲ្យគាត់ក្លាយជាជនជាតិអាមេរិកស្បែកខ្មៅទី១ ដែលដឹកនាំគណបក្សនយោបាយដ៏ធំមួយនៅក្នុងរដ្ឋសភា បន្ទាប់ពីលោកស្រី Nancy Pelosi ប្រកាសថា លោកស្រីនឹងលាលែងដើម្បីត្រួសត្រាយផ្លូវសម្រាប់ អ្នកជំនាន់ថ្មី។

លោក Jeffries អាយុ៥២ឆ្នាំ នឹងទទួលតួនាទីជាមេដឹកនាំសំឡេងភាគតិចនៅពេលដែលរដ្ឋសភាថ្មី ស្បថចូលកាន់តំណែងនៅដើមឆ្នាំក្រោយ។

លោកស្រី Nancy Pelosi (ឆ្វេង) និងលោក Hakeem Jeffries

នៅក្នុងការបង្ហាញពីការរួបរួមបន្ទាប់ពីចាញ់សភា ប៉ុន្តែបង្ហាញពីលទ្ធផលខ្លាំងជាងការរំពឹងទុកនៅក្នុងការបោះឆ្នោតពាក់កណ្តាលអាណត្តិ, គណបក្សប្រជាធិបតេយ្យបានអនុម័តជាឯកច្ឆ័ន្ទលើលោក Jeffries និងតំណែងកំពូលពីរផ្សេងទៀត។

ពេលចេញពីបន្ទប់ប្រជុំបិទទ្វារ មេដឹកនាំដែលនឹងចូលកាន់តំណែងក្នុងពេលឆាប់ៗនេះ បានប្រកាសថា “គណបក្សប្រជាធិបតេយ្យ តស៊ូដើម្បីប្រជាជន។ នោះជារឿងរបស់យើង។ នោះជាកេរ្តិ៍ដំណែលរបស់យើង។ នោះជាគុណតម្លៃរបស់យើង។ នោះជាការប្ដេជ្ញាចិត្តរបស់យើង”៕

ប្រែសម្រួល៖ Vann Vann

ប្រភព៖ Guardian

ចុចអាន៖ លោកស្រី Pelosi ប្រកាសលាលែងពីតំណែង ជាមេដឹកនាំសភា