ព័ត៌មានអន្ដរជាតិ

ទីបំផុត ទីក្រុងភាគខាងត្បូង ចិន ដកការបិទខ្ទប់ ក្រោយផ្ទុះបាតុកម្មច្រើនថ្ងៃ

បានផុស

២ years មុន

នៅ

ថ្ងៃព្រហស្បតិ៍ ១ ធ្នូ ២០២២

ដោយ

ទីក្រុងក្វាងចូវភាគខាងត្បូងប្រទេសចិន បានបន្ធូរបន្ថយវិធានការប្រឆាំងនឹងកូវីដ ១៩ ដ៏តឹងរ៉ឹងរបស់ខ្លួន បន្ទាប់ពីមានការប៉ះទង្គិចគ្នារវាងបាតុករ និងប៉ូលិស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលទីក្រុងបានប្រកាសកាលពីថ្ងៃពុធថា ការបិទខ្ទប់ទ្រង់ទ្រាយធំដែលដាក់នៅគ្រប់តំបន់ នឹងត្រូវជំនួសដោយការបិទអគារ ជាកន្លែងដែលករណីឆ្លងមេរោគត្រូវបានបញ្ជាក់ ។

បន្ទាប់ពីការប្រកាសនេះ អ្នកស្រុកដែលជាប់ក្នុងការដាក់កំហិតលើការធ្វើដំណើរជាង ១ ខែត្រូវបានគេឃើញចេញទៅទិញអាហារ ខណៈពលករចំណាកស្រុកក៏បានធ្វើដំណើរទៅកន្លែងរបស់ពួកគេស្នាក់នៅវិញផងដែរ ។

ការបន្ធូរបន្ថយការរឹតបន្តឹងនេះបានកើតឡើង បន្ទាប់ពីការតវ៉ាប្រឆាំងនឹងគោលនយោបាយ “សូន្យកូវីដ” ដ៏តឹងរ៉ឹងរបស់រដ្ឋាភិបាលចិននៅទីក្រុងប៉េកាំង សៀងហៃ ក្វាងចូវ និងកន្លែងផ្សេងទៀត ។

ដោយឡែកទីក្រុងប៉េកាំងបានទទួលស្គាល់ថា អាជ្ញាធរក្នុងតំបន់មួយចំនួនបាននិងកំពុងដាក់វិធានការប្រឆាំងការឆ្លងហួសហេតុពេក ។ ប្រជាពលរដ្ឋមើលឃើញថា វាហាក់ដូចជាកំពុងចាត់វិធានការបង្ក្រាបលើហ្វូងបាតុករ មិនមែនការពារការឆ្លងកូវីដឡើយ ជាពិសេសដើម្បីបំបែកសាធារណជនកុំប្រមូលផ្ដុំតវ៉ាបន្ថែមទៀត ៕