ព័ត៌មានអន្ដរជាតិ

អាល្លឺម៉ង់ ប្រាប់ច្បាស់ៗពីមូលហេតុលោកខាងលិចមិនដកទណ្ឌកម្មប្រឆាំង រុស្ស៊ី

បានផុស

២ years មុន

នៅ

ថ្ងៃពុធ ៧ ធ្នូ ២០២២

ដោយ

អធិការបតីអាល្លឺម៉ង់លោក Olaf Scholz បាននិយាយនៅក្នុងអត្ថបទមួយដែលចុះផ្សាយលើទស្សនាវដ្ដី Foreign Affairs ថា ទណ្ឌកម្មរបស់លោកខាងលិចប្រឆាំងរុស្ស៊ី នឹងមិនត្រូវបានដកចេញនោះទេ ប្រសិនបើរុស្ស៊ីកំណត់លក្ខខណ្ឌរបស់ខ្លួនលើដំណោះស្រាយសន្តិភាពនៅអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Scholz បាននិយាយថា “វាច្បាស់តាំងពីដើមដំបូងនៃសង្រ្គាមមកម្ល៉េះថា ទណ្ឌកម្មទាំងនេះនឹងត្រូវដាក់ក្នុងរយៈពេលយូរ ដោយសារប្រសិទ្ធភាពវាយប្រហាររបស់រុស្ស៊ីកើនឡើងរាល់សប្តាហ៍ដែលកន្លងផុតទៅ ។ ទីក្រុងមូស្គូត្រូវយល់ថា មិនមានទណ្ឌកម្មណាមួយនឹងត្រូវបានដកចេញទេ ប្រសិនបើរុស្ស៊ីព្យាយាមកំណត់លក្ខខណ្ឌនៃកិច្ចព្រមព្រៀងសន្តិភាព” ។

អធិការបតីអាល្លឺម៉ង់រូបនេះបញ្ជាក់ទៀតថា នៅក្នុងការសម្របសម្រួលជាមួយដៃគូរបស់ខ្លួន, ប្រទេសអាល្លឺម៉ង់បានត្រៀមខ្លួនរួចជាស្រេចដើម្បីឈានដល់ការរៀបចំរក្សាសន្តិសុខរបស់អ៊ុយក្រែន ដែលជាផ្នែកនៃដំណោះស្រាយសន្តិភាព ក្រោយសង្គ្រាមដ៏មានសក្តានុពល” ។ លោកអះអាងថា ដើម្បីបញ្ចប់ជម្លោះនៅអ៊ុយក្រែន រុស្ស៊ីត្រូវតែដកទ័ពចេញជាដាច់ខាត ។

លោក Scholz សង្កត់ធ្ងន់ថា សាររបស់យើងទៅកាន់ទីក្រុងមូស្គូគឺច្បាស់ណាស់ថា យើងប្តេជ្ញាការពារគ្រប់មីលីម៉ែត្រនៃទឹកដីអង្គការណាតូប្រឆាំងនឹងការឈ្លានពានដែលអាចកើតមាន ។ យើងនឹងគោរពការសន្យារបស់ណាតូដែលថា ការវាយប្រហារលើសម្ព័ន្ធមិត្តណាមួយនឹងត្រូវបានចាត់ទុកថា ជាការវាយប្រហារលើសម្ព័ន្ធមិត្តទាំងមូល ។

គួរបញ្ជាក់ថា កាលពីថ្ងៃទី២៤ ខែកុម្ភៈ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ។ បន្ទាប់មក លោកខាងលិចបានដាក់ទណ្ឌកម្មយ៉ាងខ្លាំងក្លាប្រឆាំងរុស្ស៊ី និងបង្កើនការផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ដែលមានតម្លៃរាប់សិបពាន់លានដុល្លារ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ លោក ពូទីន ប្រាប់ទំហំទឹកប្រាក់ពីការលក់អាវុធទៅទីផ្សារពិភពលោកក្នុងឆ្នាំ ២០២២ នេះ