លោក Blinken ថា អាមេរិក ចង់ឲ្យ អ៊ុយក្រែន បន្តប្រយុទ្ធជាមួយ រុស្ស៊ី ហើយកុំភ័យរឿងអាវុធ

រដ្ឋមន្ត្រីក្រសួងការបរទេសអាមេរិកលោក Antony Blinken បាននិយាយកាលពីពេលថ្មីៗនេះថា សហរដ្ឋអាមេរិកគាំទ្រគោលដៅបន្តប្រយុទ្ធរបស់អ៊ុយក្រែនក្នុងការដណ្ដើមយកទឹកដីដែលបានបោះឆ្នោតដាក់បញ្ចូលដោយរុស្ស៊ីមកវិញ ហើយបដិសេធការយល់ព្រមកិច្ចព្រមព្រៀងសន្តិភាពណាមួយនៅពេលនេះ ។

ថ្លែងបន្ទាប់ពីរលកនៃការវាយប្រហារដោយមីស៊ីលរបស់រុស្ស៊ីលើគោលដៅយោធា និងហេដ្ឋារចនាសម្ព័ន្ធរបស់អ៊ុយក្រែនកាលពីថ្ងៃចន្ទ, លោក Blinken បានប្រាប់សន្និសីទកាសែត Wall Street Journal ថា សហរដ្ឋអាមេរិកនឹងបន្តផ្តល់អាវុធដល់អ៊ុយក្រែន ហើយនិងដកលុយក្នុងសេដ្ឋកិច្ចរបស់ខ្លួន រហូតដល់អ៊ុយក្រែនអាចដណ្តើមយកមកវិញនូវទឹកដីដែលត្រូវបានរឹបអូស តាំងពីថ្ងៃទី ២៤ ខែកុម្ភៈមក” ។

កន្លងមកប្រធានាធិបតីអ៊ុយក្រែន លោក Volodymyr Zelensky បានប្តេជ្ញាដណ្តើមយកមកវិញនូវតំបន់ Donetsk, Lugansk, Kherson និង Zaporozhye ដែលតំបន់ទាំងអស់នេះបានបោះឆ្នោតឲ្យចូលជាសមាជិកសហព័ន្ធរុស្ស៊ីក្នុងខែកញ្ញា ។

ទន្ទឹមនោះលោក Zelensky ក៏បានសន្យាថានឹងដណ្តើមយកតំបន់ Crimea ដែលជាផ្នែកប្រវត្តិសាស្ត្រនៃប្រទេសរុស្ស៊ីដែលបានបោះឆ្នោតឲ្យដាក់បញ្ចូលទឹកដីមួយនេះជាឯកតោភាគីក្នុងឆ្នាំ ២០១៤ ផងដែរ ។

គួរបញ្ជាក់ថា សហរដ្ឋ​អាមេរិក​បាន​ផ្តល់​ប្រាក់​ប្រមាណ ៦៨ ពាន់​លាន​ដុល្លារ​ហើយដល់​អ៊ុយក្រែន​ក្នុង​ឆ្នាំ​នេះ ខណៈកាលពីខែមុនរដ្ឋបាល​លោក Joe Biden ក៏បាន​ស្នើ​ឲ្យ​សភា​​អនុម័ត​ថវិកា​ចំនួន ៣៧.៧ ពាន់​លាន​ដុល្លារ​ទៀតផងដែរសម្រាប់ជំនួយយោធា និងមនុស្សធម៌ដល់អ៊ុយក្រែន ​មុន​ខែ​មករា ឆ្នាំ ២០២៣ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អាមេរិក អាចនឹងអស់លុយឲ្យ អ៊ុយក្រែន ទប់ រុស្ស៊ី