ធ្លាយដំណឹង អតីតអ្នកការទូត កូរ៉េខាងជើង កំពុងធ្វើការឲ្យក្រុមអ្នកវិភាគ​នយោបាយ កូរ៉េខាងត្បូង

លោក Jo Song-gil អតីតឯកអគ្គរដ្ឋទូតស្តីទីរបស់កូរ៉េខាងជើងប្រចាំប្រទេសអ៊ីតាលី កំពុងធ្វើការជាអ្នកស្រាវជ្រាវនៅក្នុងស្ថាប័នក្រុមអ្នកវិភាគនយោបាយរបស់ប្រទេសកូរ៉េខាងត្បូង ក្រោយបានចាកចេញពីប្រទេសអ៊ីតាលីកាលពីប៉ុន្មានឆ្នាំមុន ។

លោក Tae Yong-ho តំណាងនៃគណបក្សអំណាចប្រជាជនដែលកំពុងកាន់អំណាចបានប្រាប់ទីភ្នាក់ងារសារព័ត៌មាន Yonhap កាលពីដើមសប្តាហ៍នេះថា “ថ្មីៗនេះលោក Jo បានចូលកាន់តំណែងនៅវិទ្យាស្ថានសម្រាប់យុទ្ធសាស្រ្តសន្តិសុខជាតិ (INSS) ដែលដំណើរការដោយទីភ្នាក់ងារស៊ើបការណ៍សម្ងាត់ជាតិរបស់កូរ៉េខាងត្បូង” ។

លោក Tae បាននិយាយទៀតថា “លោក Jo បានចូលរួមជាមួយនឹងវិទ្យាស្ថាន INSS ប្រហែលជានៅក្នុងខែតុលា បន្ទាប់ពីលោកបានភៀសខ្លួនទៅកូរ៉េខាងត្បូងក្នុងឆ្នាំ ២០១៦ ពេលកំពុងបម្រើការជារដ្ឋមន្ត្រីនៅស្ថានទូតកូរ៉េខាងជើងនៅទីក្រុងឡុងដ៍ ហើយត្រូវបានបោះឆ្នោតជ្រើសរើសជាសមាជិកសភានៅឆ្នាំ ២០២០” ។

ក្រោយមក លោក Jo បាន​ចូល​ទៅ​កាន់​ប្រទេស​ខាង​ត្បូងម្ដងទៀត​ បន្ទាប់​ពី​បាត់​ខ្លួន​ជាមួយ​ភរិយា​កាល​ពី​ចុង​ឆ្នាំ ២០១៨ នៅ​ពេល​លោក​ទទួល​បន្ទុក​កិច្ចការ​នៅ​ស្ថានទូត​កូរ៉េ​ខាង​ជើង​ក្នុង​ទីក្រុង Rome នៃប្រទេសអ៊ីតាលី ៕

ប្រែសម្រួលដោយ ៖ ជីវ័ន្ត

ប្រភព ៖ Yonhap

ចុចអាន ៖ កូរ៉េខាងជើង បញ្ជាឲ្យកងទ័ពបាញ់ស្រោចកាំភ្លើងធំថ្មីទៀត