រកឃើញគ្រាប់បែកដែលត្រៀមបំផ្ទុះអំឡុងកុបកម្មនៅវិមាន Capitol​ អាមេរិក

គ្រាប់បែកច្នៃមួយគ្រាប់ត្រូវបានរកឃើញនៅឯអគារសភាសហរដ្ឋអាមេរិកអំឡុងពេលមានកុបកម្មក្នុងទីក្រុងវ៉ាស៊ីនតោន។

ដោយដកស្រង់សម្តីមន្ត្រីម្នាក់នៅគណៈកម្មាធិការជាតិគណបក្សសាធារណរដ្ឋ កាសែត New York Times បានរាយការណ៍ថា គ្រាប់បែកបំពង់ហើយត្រូវបានបំផ្លាញដោយជោគជ័យដោយក្រុមដោះគ្រាប់បែក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែតនេះបានរាយការណ៍ថា គ្រាប់បែកនេះត្រូវបានគេរកឃើញនៅទីស្នាក់ការកណ្តាលរបស់គណៈកម្មាធិការជាតិគណបក្សសាធារណរដ្ឋ (RMC) ក្នុងទីក្រុងវ៉ាស៊ីនតោនហើយមនុស្សក្នុងទីស្នាក់ការកណ្តាលរបស់គណៈកម្មាធិការជាតិគណបក្សប្រជាធិបតេយ្យ (DMC) ដែលនៅក្បែរនោះ ត្រូវបានជម្លៀសចេញ។

RNC និង DMC សុទ្ធតែមានទីស្នាក់ការកណ្តាលនៅតាមដងផ្លូវជិតវិមាន Capitol អាមេរិកដែលត្រូវបានវាយប្រហារដោយហ្វូងអ្នកគាំទ្រលោក Trump។ ពួកគេបានស្រែកតវ៉ាដោយគ្មានភស្តុតាងអំពីការលួចបន្លំសន្លឹកឆ្នោតកាលពីថ្ងៃពុធទី៦ខែមករា។

ទូរទស្សន៍ NBC បានរាយការណ៍ថា ឧបករណ៍នោះគឺពិតមែនហើយត្រូវបានបំផ្ទុះដោយក្រុមដោះគ្រាប់បែកប៉ុន្តែមិនបង្កគ្រោះថ្នាក់ដល់នរណាម្នាក់ឡើយ។

គួរបញ្ជាក់ថា អ្នកគាំទ្រហិង្សារបស់លោកប្រធានាធិបតី Donald Trump បានសម្រុកចូលវិមាន Capitol ក្នុងទីក្រុងវ៉ាស៊ីនតោនខណៈសមាជិកសភាបានជួបគ្នាដើម្បីបញ្ជាក់ពីជ័យជម្នះនៃការបោះឆ្នោតរបស់ប្រធានាធិបតីជាប់ឆ្នោតលោក Joe Biden។

សម័យប្រជុំសភាត្រូវបានផ្អាកនិងបង្ខំឲ្យលើកទៅពេលក្រោយ។

មានរបាយការណ៍អំពីការបាញ់កាំភ្លើងនៅក្នុងអគារហើយមនុស្សម្នាក់បានស្លាប់ខណៈប៉ូលិសជាច្រើននាក់បានរងរបួស៕

ប្រែសម្រួលដោយ៖ Vann Vann

ប្រភព៖ Daily Star