ព័ត៌មានអន្ដរជាតិ

ស្គាល់អត្តសញ្ញាណអ្នកដែលត្រូវបាញ់សម្លាប់ក្នុងអគារ Capitol អាមេរិក

បានផុស

៣ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

ប្រភពមួយបានប្រាប់សារព័ត៌មាន Fox News ថា ស្ត្រីម្នាក់ដែលត្រូវបានគេបាញ់សម្លាប់នៅខាងក្នុងអគារ Capitol (សភាអាមេរិក) កាលពីថ្ងៃពុធត្រូវបានគេស្គាល់ថាមានឈ្មោះ Ashli Babbit ។ យោងតាមរបាយការណ៍របស់ប្រព័ន្ធផ្សព្វផ្សាយបានឲ្យដឹងថា Babbit គឺជាទាហានជើងចាស់រយៈពេល ១៤ ឆ្នាំដែលបានបម្រើការងារទេសចរណ៍ចំនួន ៤ ជាមួយកងទ័ពអាកាស និងរស់នៅក្នុងទីក្រុង San Diego ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្វាមីរបស់នាងបានប្រាប់ទូរទស្សន៍ WTTG-TV ថា នាង Babbit គឺជាអ្នកគាំទ្រដ៏រឹងមាំរបស់ប្រធានាធិបតី Trump ។ ចំណែកម្តាយក្មេករបស់នាង Babbit បានប្រាប់ទៅភ្នាក់ងារ Fox News ក្នុងទីក្រុង Washington D.C ថា “ខ្ញុំមិនដឹងថាហេតុអ្វីបានជានាងសម្រេចចិត្តធ្វើបែបនេះទេ ។ ប្តីរបស់នាង Babbit មិនបាននៅទីក្រុង Washington D.C ជាមួយនាងទេ ហើយពួកគេជាម្ចាស់អាជីវកម្មមួយកន្លែង” ។

អាជ្ញាធរបានត្រៀមលក្ខណៈការពារកុបកម្មនៅអគារ Capitol ខណៈប្រព័ន្ធផ្សព្វផ្សាយ និងសមាជិកសភាបានវិលត្រឡប់មកចូលរួមសម័យប្រជុំសភារួមគ្នាឡើងវិញនៅប៉ុន្មានម៉ោងមុននេះនៅពេលដែលក្រុមមនុស្សមួយក្រុមបានរំលោភបំពានសន្តិសុខ និងបានសម្រុកចូលអគារបណ្តាលឲ្យមានការបាញ់ប្រហារដ៏សាហាវនេះ ។

នាយកដ្ឋានប៉ូលិសក្រុងបានប្រាប់ Fox News ថា របាយការណ៍ដំបូងបាននិយាយថា ស្ត្រីរូបនេះត្រូវបានគេបាញ់ចំទ្រូង និងត្រូវបានដឹកចេញពីអគារនៅមុនម៉ោង ៣ រសៀល ។ គេមិនទាន់ដឹងច្បាស់ថាអ្នកណាជាអ្នកបាញ់ ឬមូលហេតុអ្វីដែលនាំឲ្យមានការបាញ់ប្រហារនេះនោះទេ ។