ឆ្នាំថ្មី បារាំង ចែកស្រោមអនាម័យ Free សម្រាប់អ្នកមានអាយុក្រោម ២៥ឆ្នាំ

ប្រធានាធិបតីបារាំងលោក Emmanuel Macron បានប្រកាសកាលពីថ្ងៃសុក្រទី០៩ខែធ្នូថា ក្នុងឆ្នាំថ្មីនេះ ប្រទេសបារាំង នឹងចែកស្រោមអនាម័យដោយឥតគិតថ្លៃនៅតាមឱសថស្ថាន សម្រាប់នរណាដែលមានអាយុ២៥ឆ្នាំចុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងនេះកើតឡើង ចំពេលដែលរដ្ឋាភិបាលនិយាយថា ជំងឺកាមរោគ កំពុងកើនឡើងក្នុងចំណោមមនុស្សវ័យក្មេង។

ក្មេងស្រី និងស្ត្រីដែលមានអាយុក្រោម២៥ឆ្នាំ អាចទទួលបានការពន្យារកំណើតដោយឥតគិតថ្លៃនៅក្នុងប្រទេសបារាំង ដែលជាផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាល ដើម្បីធានាថា មនុស្សវ័យក្មេងអាចការពារការមានផ្ទៃពោះដែលមិនចង់បាន។

លោក Macron បាននិយាយកាលពីថ្ងៃព្រហស្បតិ៍ថា ស្រោមអនាម័យនឹងមិនគិតថ្លៃនៅតាមឱសថស្ថាន សម្រាប់នរណាម្នាក់ដែលមានអាយុពី ១៨ ដល់ ២៥ឆ្នាំ ចាប់ពីថ្ងៃទី១ខែមករាទៅ។

ប៉ុន្តែបន្ទាប់ពីពិធីករទូរទស្សន៍បារាំង និងអ្នកផ្សេងទៀតបានជំទាស់នៅលើបណ្តាញសង្គមកាលពីថ្ងៃសុក្រ អំពីថាតើហេតុអ្វីបានជាវិធានការស្រោមអនាម័យនេះ មិនរាប់បញ្ចូលអនីតិជននោះ លោកប្រធានាធិបតីក៏បានយល់ព្រមពង្រីកកម្មវិធីនេះ។

លោក Macron ដែលជាប្រធានាធិបតីវ័យក្មេងបំផុតក្នុងប្រវត្តិសាស្រ្តប្រទេសបារាំង នៅពេលគាត់ជាប់ឆ្នោតជាលើកដំបូងក្នុងឆ្នាំ២០១៧ នៅអាយុ៣៩ឆ្នាំ ក៏បានសន្យាដែរថា នឹងខិតខំប្រឹងប្រែងបន្ថែមទៀតដើម្បីការពារ និងធ្វើតេស្តរកមេរោគអេដស៍ និងមេរោគឆ្លងតាមការរួមភេទ។

ប្រព័ន្ធថែទាំសុខភាពរបស់រដ្ឋ បារាំង បានគ្របដណ្តប់ថ្លៃចំណាយលើការគ្រប់គ្រងកំណើតមួយចំនួន ប៉ុន្តែមិនមែនទាំងអស់នោះទេ ហើយការណាត់ជួបគ្រូពេទ្យសម្រាប់អ្នកជំងឺដែលមានប្រាក់ចំណូលទាប តែងតែត្រូវការការរង់ចាំយូរ។ ការរំលូតកូននៅប្រទេសបារាំង គឺអាចធ្វើបានដោយឥតគិតថ្លៃសម្រាប់មនុស្សគ្រប់គ្នា៕

ប្រែសម្រួល៖ Vann Vann

ប្រភព៖ CNA

ចុចអាន៖ បារាំង បើកមណ្ឌល ចាក់ វ៉ាក់សាំង ការពារជំងឺអុត ស្វា នៅ ទីក្រុង ប៉ារីស