គ្រប់គ្នារង់ចាំលទ្ធផលកោសល្យវិច័យលើកទី២របស់នារីអូតែសហ្វីលីពីន តែបែរជាមិនដូចការគិត

មុនពេលបញ្ជូនទៅកាន់ស្រុកកំណើតរបស់នាងក្នុងទីក្រុង General Santos នៅព្រឹកថ្ងៃព្រហស្បតិ៍នេះ សាកសពរបស់កញ្ញា Christine Dacera ត្រូវបានធ្វើកោសល្យវិច័យជាលើកទី២ នៅក្នុងការស៊ើបអង្កេតដែលកំពុងបន្ត ដើម្បីកំណត់ពីមូលហេតុនៃការស្លាប់របស់នារីអូតែសរូបនេះកាលពីយប់ឆ្លងឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិត្តភក្តិរបស់ក្រុមគ្រួសារ វេជ្ជបណ្ឌិត Marichi Ramos បានបញ្ជាក់ប្រាប់អ្នកសារព័ត៌មាននៅថ្ងៃព្រហស្បតិ៍ មុនពេលលោកស្រីចូលរួមជាមួយសមាជិកគ្រួសាររបស់ Dacera នៅអាកាសយានដ្ឋានអន្តរជាតិ Ninoy Aquino សម្រាប់ការហោះហើររបស់ពួកគេទៅកាន់ភាគខាងត្បូងប្រទេសហ្វីលីពីន។

ទោះបីជាយ៉ាងណាក៏ដោយ លោកស្រីនិយាយថា លទ្ធផលនៃការធ្វើកោសល្យវិច័យឡើងវិញនេះនឹងត្រូវរក្សាជាការសម្ងាត់ បន្ទាប់ពីលទ្ធផលដំបូងនៃការធ្វើកោសល្យវិច័យរបស់ប៉ូលិសបានលេចធ្លាយជាសាធារណៈ។

លោកស្រី Ramos បានបន្ថែមថា សាក្សីជាច្រើនកំពុងត្រូវបានចុចឈ្មោះសម្រាប់ការស៊ើបអង្កេត។

ការស៊ើបអង្កេតបឋមត្រូវបានកំណត់យកថ្ងៃទី១៣ខែមករា ដែលជាពេលសមាជិកគ្រួសារនិងមិត្តភក្តិរបស់ Dacera ត្រូវមមាញឹកក្នុងការរៀបចំឯកសារមុនពេលទៅផ្ទះ។

ក្រុមគ្រួសារនឹងរៀបចំពិធីកំដរសពរយៈពេល២ថ្ងៃ មុនការបញ្ចុះសពរបស់កញ្ញា Dacera ចំពេលមានសំណួរមិនទាន់មានចម្លើយជុំវិញការស្លាប់របស់នាង។

ប៉ូលិសនៅតែប្រកាន់ខ្ជាប់ជំហរថា Dacera ត្រូវបានគេរំលោភនៅយប់ដែលនាងស្លាប់ប៉ុន្តែជនសង្ស័យបានបដិសេធរឿងនេះ។

ក្រុមគ្រួសាររបស់ Dacera ក៏បានបដិសេធធ្វើអត្ថាធិប្បាយអំពីសេចក្តីសម្រេចរបស់រដ្ឋអាជ្ញាក្នុងការដោះលែងជនសង្ស័យ៣នាក់កាលពីថ្ងៃពុធផងដែរដោយនិយាយថា ពួកគេនឹងទុករឿងនេះឲ្យមេធាវីរបស់ពួកគេ៕

ប្រែសម្រួលដោយ៖ Vann Vann

ប្រភព៖ Abs-Cbn

ចុចអាន៖ តាមពិត នារីអូតែសដែលស្លាប់មានទំនាក់ទំនងយ៉ាងជិតស្និទ្ធិជាមួយគ្រួសារស្តេចប្រដាល់ហ្វីលីពីន MANNY PACQUIAO