រឿងម្យ៉ាង ធ្វើឲ្យពិភពលោក ភ័យខ្លាចថា បេឡារុស នឹងចូលរួមក្នុងសង្គ្រាមអ៊ុយក្រែនឆាប់ៗនេះ 

មានការភ័យខ្លាចកាន់តែខ្លាំងឡើងថា ប្រទេសបេឡារុស អាចនឹងត្រូវបង្ខំឲ្យចូលរួមក្នុងសង្គ្រាមអ៊ុយក្រែននាពេលឆាប់ៗខាងមុខនេះ បន្ទាប់ពីរថពាសដែកយោធា ត្រូវបានគេឃើញមានលាប “និមិត្តសញ្ញាប្រយុទ្ធ” នៅលើនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូទូរទស្សន៍រដ្ឋនៃរថពាសដែកដែលចូលរួមក្នុងសមយុទ្ធនៅជិតព្រំដែនអ៊ុយក្រែន បានបង្ហាញថា ពួកគេមានលាបសញ្ញាការ៉េពណ៌ក្រហមនៅលើនោះ ដែលសញ្ញានេះនឹងជួយឲ្យអ្នកបើកបរ ស្គាល់គ្នាក្នុងអំឡុងពេលប្រយុទ្ធជាក់ស្តែង។

គេនៅចាំបានថា លោក វ្ល៉ាឌីមៀរ ពូទីន ក៏បានបញ្ជាឲ្យធ្វើសមយុទ្ធយោធានៅជិតព្រំដែនអ៊ុយក្រែនជាមួយនឹងសញ្ញាសម្គាល់ “អក្សរ Z” នៅលើរថក្រោះរុស្ស៊ីផងដែរ មុនពេលគាត់ បញ្ជាឲ្យមានការវាយលុកកាលពីខែកុម្ភៈ។

រហូតមកដល់ពេលនេះ មេដឹកនាំបេឡារុស Alexander Lukashenko មិនទាន់បញ្ជូនកងទ័ពរបស់គាត់ឲ្យចូលទៅក្នុងការប្រយុទ្ធនៅអ៊ុយក្រែននៅឡើយទេ ប៉ុន្តែបានអនុញ្ញាតឲ្យយកទឹកដីបេឡារុស ប្រើប្រាស់សម្រាប់ការវាយប្រហារ។

កងទ័ពរុស្ស៊ីដែលប៉ុនប៉ងដណ្តើមយកទីក្រុងកៀវ នៅដើមសង្រ្គាម បានបើកការវាយលុកចេញពីប្រទេសបេឡារុស ហើយមីស៊ីលដែលបំផ្លិចបំផ្លាញរដ្ឋធានីអ៊ុយក្រែន គឺត្រូវបានបាញ់ចេញពីទីនោះ។

​លោក Lukashenko ត្រូវបានគេគិតថា​ កំពុងរងសម្ពាធឲ្យ​ដាក់​កម្លាំង​របស់​គាត់​ ​ក្នុង​ការ​ប្រយុទ្ធ ​បន្ទាប់​ពី​រុស្ស៊ី​​ចាប់​ផ្តើម​ដាក់​ទាហាន​ខ្លួន​ឯង​បន្ថែម​ទៀត​លើ​ទឹកដី​របស់​គាត់​ក្នុង​ខែ​កញ្ញា។

ប៉ុន្តែ​គាត់​ស្ទាក់​ស្ទើរ ទំនង​ជា​ដោយ​សារ​គាត់​បារម្ភ​ថា ​កងទ័ព​របស់​គាត់​ដែល​ជា​ស្រមោល​នៃ​សមភាគី​រុស្ស៊ី ​នឹង​ត្រូវកម្ទេច​ក្នុង​ការ​ប្រយុទ្ធ៕

សូមទស្សនាវីដេអូ៖

ប្រែសម្រួល៖​ Vann Vann

ប្រភព៖ Daily Mail

ចុចអាន៖ ណាតូ ធ្វើសមយុទ្ធបាញ់គ្រាប់ពិត កៀក រុស្ស៊ី