ភាគកណ្ដាល មីយ៉ាន់ម៉ា ជួបគ្រោះរញ្ជួយដីកម្រិត ៥.២ រ៉ិចទ័រ

យោងតាមនាយកដ្ឋានឧតុនិយម និងជលសាស្ត្ររបស់មីយ៉ាន់ម៉ា បានឲ្យដឹងនៅថ្ងៃព្រហស្បតិ៍នេះថា គ្រោះរញ្ជួយដីកម្រិត ៥.២ រ៉ិចទ័រ បានវាយប្រហារចម្ងាយប្រហែល ៦.៤៣ គីឡូម៉ែត្រ ភាគខាងកើតទីក្រុង Tada-U ក្នុងតំបន់ Mandalay ភាគកណ្តាលរបស់ប្រទេសមីយ៉ាន់ម៉ា ។

ចំណុចកណ្តាលនៃការរញ្ជួយដីដែលមានជម្រៅ ៦៣ គីឡូម៉ែត្រ ត្រូវបានកំណត់ជាបឋមថា មានរយៈទទឹងខាងជើង ២១.៨១ ដឺក្រេ និងរយៈបណ្ដោយខាងកើត ៩៦.០៣ ដឺក្រេ ។

ប្រព័ន្ធផ្សព្វផ្សាយក្នុងស្រុកបានរាយការណ៍ថា គ្រោះរញ្ជួយដីនេះមានកម្លាំងខ្លាំងនៅក្នុងតំបន់ Mandalay និង Sagaing របស់ប្រទេស ហើយបានបង្កការខូចខាតដល់អគារមួយចំនួនផងដែរនៅក្នុងតំបន់ទីក្រុង Mandalay ។

មន្ត្រីម្នាក់មកពីផ្នែកសេវាកម្មពន្លត់អគ្គីភ័យក្នុងតំបន់ Mandalay បានប្រាប់សារព័ត៌មាន Xinhua ថា រហូតមកដល់មិនមានរបាយការណ៍នៃអ្នកស្លាប់ និងរបួសត្រូវបានរាយការណ៍នោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ China Daily

ចុចអាន ៖ ប៉ូលិសរឹបអូសលុយសុទ្ធ ១.៦៨ លានដុល្លារ រឿងពុករលួយម្ចាស់ផ្ទះ World Cup នៅកាតា របស់លោកស្រី Eva Kaili