ព័ត៌មានអន្ដរជាតិ
លោក ពូទីន ទទួលស្គាល់ថា ស្ថានភាពក្នុងតំបន់ថ្មីទាំង ៤ របស់ រុស្ស៊ី គឺលំបាកខ្លាំង
ប្រធានាធិបតីរុស្ស៊ី លោក វ្ល៉ាឌីមៀរ ពូទីន ទទួលស្គាល់ថា ស្ថានភាពនៅក្នុងសាធារណរដ្ឋប្រជាមានិត Donetsk, Lugansk, តំបន់ Kherson និងតំបន់ Zaporozhye ពិតជាមានភាពលំបាកខ្លាំង ហើយទីភ្នាក់ងារសន្តិសុខនៅក្នុងតំបន់ថ្មីទាំង ៤ របស់រុស្ស៊ីត្រូវតែធ្វើអ្វីៗគ្រប់យ៉ាងដើម្បីធានាសន្តិសុខ ការគោរពសិទ្ធិ និងសេរីភាពរបស់ពលរដ្ឋ ។
ថ្លែងនៅក្នុងពិធីអបអរសាទរដល់មន្ត្រីភ្នាក់ងារសន្តិសុខរុស្ស៊ី ដែលត្រូវបានប្រារព្ធនៅថ្ងៃទី ២០ ខែធ្នូនេះ, លោក ពូទីន បាននិយាយថា ក្នុងប៉ុន្មានឆ្នាំចុងក្រោយនេះ សេវាសន្តិសុខរបស់រុស្ស៊ីបានដំណើរការប្រកបដោយប្រសិទ្ធភាពខ្ពស់ ប៉ុន្តែសម្រាប់តំបន់ថ្មីទាំង ៤ របស់អ៊ុយក្រែនដែលរុស្ស៊ីកំពុងក្ដោបក្ដាប់ គឺមានភាពស្មុគស្មាញ ។
ប្រធានាធិបតីរុស្ស៊ីរូបនេះបាននិយាយទៀតថា “ពិតណាស់ ឥឡូវនេះ វាពិតជាពិបាកសម្រាប់យើង ។ ស្ថានភាពនៅសាធារណរដ្ឋប្រជាមានិត Donetsk និង Lugansk, នៅក្នុងតំបន់ Kherson និង Zaporozhye គឺពិបាកខ្លាំងណាស់ ។ ប៉ុន្តែខ្ញុំសង្ឃឹមថា ពលរដ្ឋរុស្ស៊ីដែលរស់នៅទីនោះ នឹងមានការការពារយ៉ាងល្អពីកម្លាំងសន្តិសុខរបស់យើង” ។
មេដឹកនាំរុស្ស៊ីបានបន្តដោយកត់សម្គាល់ថា ការងាររបស់ភ្នាក់ងារសន្តិសុខរបស់រុស្ស៊ី គួរតែត្រូវបានពង្រឹងឲ្យខ្លាំងជាងមុននៅក្នុងផ្នែកសំខាន់ៗទាំងនោះ ចំពេលមានការគំរាមកំហែងថ្មីៗ ហើយអ្នកត្រូវតែប្រើប្រាស់បច្ចេកទេសប្រតិបត្តិការឲ្យច្រើន និងមានសក្ដានុពលបំផុតសម្រាប់រឿងរ៉ាវដែលកើតមាននៅក្នុងតំបន់នេះ” ។
ជាចុងក្រោយលោក ពូទីន បានសង្កត់ធ្ងន់ថា ការប្រយុទ្ធប្រឆាំងនឹងអំពើភេរវកម្មនៅតែជាអាទិភាពចម្បងមួយសម្រាប់ភ្នាក់ងារសន្តិសុខរុស្ស៊ីទាំងអស់ ជាពិសេសគឺទីភ្នាក់ងារសន្តិសុខសហព័ន្ធ (FSB) តែម្ដង ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោក Zelensky ថា អ៊ុយក្រែន នឹងដណ្ដើមយកឧបទ្វីបគ្រីមៀមកវិញដោយប្រើកម្លាំង
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ