ព័ត៌មានអន្ដរជាតិ
ទីបំផុត អតីតអនុប្រធានសភាអឺរ៉ុប Eva Kaili សារភាពរឿងពុករលួយធ្វើម្ចាស់ផ្ទះ World Cup នៅកាតា
លោកស្រី Eva Kaili សមាជិកសភាក្រិក និងជាអតីតអនុប្រធានសភាសហភាពអឺរ៉ុប បានប្រាប់អ្នកស៊ើបអង្កេតប៊ែលហ្ស៊ិកថា លោកស្រីបានប្រគល់ភារកិច្ចឲ្យឪពុករបស់លោកស្រី លាក់កាបូបដែលផ្ទុកទៅដោយលុយ អំឡុងពេលប៉ូលិសបង្រ្កាបលើគម្រោងសូកប៉ាន់ធ្វើម្ចាស់ផ្ទះ World Cup របស់កាតា ។
បើយោងតាមកាសែត La Repubblica របស់អ៊ីតាលី និងសារព័ត៌មាន Le Soir របស់ប៊ែលហ្ស៊ិកបានរាយការណ៍កាលពីថ្ងៃអង្គារថា លោកស្រី Kaili បានសារភាពបែបនេះនៅយប់នៃការវាយឆ្មក់របស់ប៉ូលិសលើផ្ទះល្វែងរបស់លោកស្រីកាលពីថ្ងៃទី៩ ខែធ្នូ ហើយលោកស្រីបានឪពុករបស់លោកស្រីឲ្យយកវ៉ាលិសដាក់លុយនោះចេញផ្ទះផងដែរ ។
លោកស្រី Kaili បាននិយាយថា បន្ទាប់មកលោកស្រីបានប្រាប់សមាជិកសភាអឺរ៉ុប ២ នាក់ផ្សេងទៀតអំពីប្រតិបត្តិការរបស់ប៉ូលិស បន្ទាប់ពីឪពុករបស់លោកស្រីត្រូវបានចាប់ខ្លួន នៅពេលដែលចាកចេញពីសណ្ឋាគារក្បែរនោះ ជាមួយនឹងប្រាក់ជាច្រើនរយពាន់អឺរ៉ូ ។
គម្រោងនេះពាក់ព័ន្ធនឹងមន្ត្រីកាតាដែលចំណាយប្រាក់ដ៏ច្រើនសន្ធឹកសន្ធាប់ដល់សមាជិកសភាសហភាពអឺរ៉ុបជាថ្នូរនឹងឥទ្ធិពលនៃការបញ្ចុះបញ្ចូលនៅទីក្រុងព្រុចសែល ខណៈសារព័ត៌មាន Reuters បានរាយការណ៍កាលពីសប្តាហ៍មុនថា ស្វាមីរបស់លោកស្រី Kaili ដែលជាជនជាតិអ៊ីតាលីឈ្មោះ Francesco Giorgi បានសារភាពរួចហើយថា បានគ្រប់គ្រងសាច់ប្រាក់នេះ ហើយក៏បានដាក់ឈ្មោះអតីតមេរបស់គាត់គឺលោក Pier Antonio Panzeri ដែលជាអតីតសមាជិកសភាអឺរ៉ុប ជាអ្នកដឹកនាំការប្រកួតប្រជែងនេះផងដែរ ។
ទាំងលោកស្រី Kaili, លោក Giorgi, លោក Panzeri និងបុគ្គលម្នាក់ទៀតដែលមិនបញ្ចេញឈ្មោះត្រូវបានចោទប្រកាន់ពីបទ “ចូលរួមក្នុងអង្គការឧក្រិដ្ឋកម្ម ការលាងលុយកខ្វក់ និងអំពើពុករលួយ” ខណៈភរិយា និងកូនស្រីរបស់លោក Panzeri បច្ចុប្បន្នកំពុងស្ថិតនៅក្រោមការចាប់ខ្លួននៅក្នុងប្រទេសអ៊ីតាលី ហើយត្រូវបានគេជឿថាបានចូលរួមក្នុងរឿងអាស្រូវនេះដោយការដោះដូរសាច់ប្រាក់ និងអំណោយមួយចំនួន ។
ពាក់ព័ន្ធនឹងបញ្ហានេះដែរ ប្រទេសកាតាបានបដិសេធការជាប់ពាក់ព័ន្ធក្នុងសំណុំរឿងពុករលួយដែលត្រូវបានស៊ើបអង្កេតដោយអាជ្ញាធរប៊ែលហ្ស៊ិក ជុំវិញការប្រកួតបាល់ទាត់ពិភពលោកឆ្នាំ ២០២២ ដែលប្រទេសកាតាធ្វើជាម្ចាស់ផ្ទះ និងថែមទាំងបានព្រមានថា នឹងជះឥទ្ធិពលអវិជ្ជមានដល់កិច្ចសហប្រតិបត្តិការសន្តិសុខ និងការពិភាក្សាស្តីពីសន្តិសុខថាមពលពិភពលោកផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ កាតា បញ្ជាក់ជាថ្មីដល់សភាអឺរ៉ុប រឿងពុករលួយធ្វើម្ចាស់ផ្ទះ World Cup
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ