មន្ត្រីរុស្ស៊ី ស្លាប់ ដោយការបំផ្ទុះគ្រាប់បែកក្នុងរថយន្ត

មេភូមិ Lyubimovka ក្នុងតំបន់ Kherson នៃប្រទេសរុស្ស៊ី លោក Andrey Shtepa ត្រូវបានសម្លាប់កាលពីថ្ងៃព្រហស្បតិ៍ទី២២ខែធ្នូ។ នេះបើយោងតាមបណ្តាញ Telegram ផ្លូវការរបស់រដ្ឋបាលក្នុងតំបន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍បានបញ្ជាក់ថា “ថ្ងៃនេះ ភេរវករអ៊ុយក្រែន បានធ្វើការប៉ុនប៉ង​ លើមេភូមិ Lyubimovka ក្នុងស្រុក Kakhovka ដោយជាលទ្ធផល គាត់បានបាត់បង់ជីវិត។ ការវាយប្រហារនេះ ធ្វើឡើងដោយប្រើគ្រាប់បែកក្នុងរថយន្ត”។

អាជ្ញាធររាយការណ៍ថា “លោក Andrei Shtepa គឺជាអ្នកជំនាញពិតប្រាកដ និងជាមនុស្សគ្មានការភ័យខ្លាច ដែលបានដឹកនាំការជម្លៀស ហើយនៅតែរស់ក្នុងភូមិកំណើតរបស់គាត់រហូតដល់ថ្ងៃចុងក្រោយ។ គាត់បានបំពេញភារកិច្ច ថ្វីបើមានការគំរាមកំហែងដល់អាយុជីវិតក៏ដោយ”។

យោងតាមមន្ត្រីតំបន់ Kherson, បច្ចុប្បន្ន ពួកគេបានបើកការស៊ើបអង្កេតឧក្រិដ្ឋកម្មលើការវាយប្រហារនេះ ហើយប្តេជ្ញាស្វែងរកអ្នកទទួលខុសត្រូវទាំងអស់ចំពោះឧក្រិដ្ឋកម្មអមនុស្សធម៌នេះ ហើយដាក់ទោសពួកគេតាមច្បាប់រុស្ស៊ី។

គួរបញ្ជាក់ថា នៅរដូវស្លឹកឈើជ្រុះ តំបន់ Kherson និង Zaporozhye ក៏ដូចជាសាធារណៈរដ្ឋប្រជាមានិត Donetsk និង Lugansk បានចូលរួមជាផ្លូវការជាមួយប្រទេសរុស្ស៊ី បន្ទាប់ពីការធ្វើប្រជាមតិឲ្យកាត់យក ជាមួយសំឡេងគាំទ្រយ៉ាងលើសលប់៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ពូទីន ច ង់បញ្ចប់សង្រ្គាមនៅអ៊ុយក្រែន ឆាប់ៗ