Connect with us

ព័ត៌មានអន្ដរជាតិ

រដ្ឋមន្ត្រីមីយ៉ាន់ម៉ាលេចមុខក្នុងកិច្ចប្រជុំនៅថៃជាមួយតំណាងមកពីប្រទេសអាស៊ានទាំង ៤

បានផុស

នៅ

ប្រភពព័ត៌មានបានឱ្យដឹងថា ប្រទេសថៃបានធ្វើជាម្ចាស់ផ្ទះរៀបចំកិច្ចប្រជុំថ្នាក់តំបន់ (អាស៊ាន) កាលពីថ្ងៃព្រហស្បតិ៍ទី២២ ខែធ្នូ ដើម្បីពិភាក្សាអំពីវិបត្តិនៅមីយ៉ាន់ម៉ា ដែលរួមមានការបង្ហាញខ្លួនជាអន្តរជាតិដ៏កម្ររបស់រដ្ឋមន្ត្រីនៃយោធាមីយ៉ាន់ម៉ាជាច្រើនរូប ប៉ុន្តែសមាជិកសំខាន់ៗមួយចំនួនរបស់អាស៊ាន មិនបានចូលរួមក្នុងកិច្ចប្រជុំនេះទេ បើទោះជាមានការអញ្ជើញក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសថៃបាននិយាយថា វត្តមានក្នុងកិច្ចប្រជុំនេះរួមមាន៖ រដ្ឋមន្ត្រីក្រសួងការបរទេសមីយ៉ាន់ម៉ា ឡាវ កម្ពុជា និងអនុរដ្ឋមន្ត្រីការបរទេសវៀតណាម ដែលរៀបចំឡើងដោយរដ្ឋមន្ត្រីការបរទេសថៃ ហើយកិច្ចប្រជុំលើកនេះគ្មានវត្តមានតំណាងមកពីប្រទេសម៉ាឡេស៊ី ហ្វីលីពីន ឥណ្ឌូនេស៊ី និងសិង្ហបុរី នោះទេ ក្នុងចំណោមប្រទេសអាស៊ានដែលរិះគន់យោធាមីយ៉ាន់ម៉ាខ្លាំងជាងគេ ហើយក៏មិនមានរបាយការណ៍ជាក់លាក់អំពីលទ្ធផលនៃកិច្ចប្រជុំនេះដែរ។
អ្នកនាំពាក្យក្រសួងការបរទេសថៃបាននិយាយក្នុងសេចក្តីថ្លែងការណ៍ថា៖ “កិច្ចប្រជុំនេះមិនមែនជាកិច្ចប្រជុំអាស៊ាននោះទេ (ក្រៅផ្លូវការ) ប៉ុន្តែផ្តោតជាសំខាន់លើការពង្រឹងកិច្ចខិតខំប្រឹងប្រែងរួមគ្នាជាបន្តបន្ទាប់របស់អាស៊ានក្នុងការស្វែងរកដោះស្រាយនយោបាយដោយសន្តិវិធី”។

យោងតាមការបញ្ជាក់របស់ក្រសួងការបរទេសមីយ៉ាន់ម៉ាបានឱ្យដឹងថា អ្នកដែលបានចូលរួមកិច្ចប្រជុំលើកនេះ សម្រាប់មីយ៉ាន់ម៉ារួមមាន៖ រដ្ឋមន្ត្រីការបរទេសមីយ៉ាន់ម៉ា រួមជាមួយរដ្ឋមន្ត្រីវិនិយោគ និងទំនាក់ទំនងសេដ្ឋកិច្ចអន្តរជាតិ និងរដ្ឋមន្ត្រីសហប្រតិបត្តិការអន្តរជាតិ។

ក្រសួងការបរទេសមីយ៉ាន់ម៉ាបាននិយាយនៅក្នុងសេចក្តីថ្លែងការណ៍ថា៖ គណៈប្រតិភូមីយ៉ាន់ម៉ាបានអត្ថាធិប្បាយអំពីសកម្មភាពភេរវកម្មរបស់កងកម្លាំងប្រដាប់អាវុធការពារប្រជាជន ដែលទាក់ទងនឹងរដ្ឋាភិបាលស្រមោល។
ទន្ទឹមគ្នានេះ គណៈប្រតិភូមីយ៉ាន់ម៉ាក៏បានជំរុញឱ្យរដ្ឋសមាជិកអាស៊ាន ថ្កោលទោសសកម្មភាពភេរវកម្មរបស់រដ្ឋាភិបាលស្រមោល និងកងកម្លាំងប្រដាប់អាវុធការពារប្រជាជនផងដែរ ដោយមិនត្រូវបង្ហាញការគាំទ្រដល់ពួកគេ ឬផ្តល់ជំនួយទាំងផ្នែកសម្ភារៈ និងថវិកាដល់អង្គការភេរវករឡើយ៕

ប្រែសម្រួល៖ គង់ សំអាន

ប្រភព៖ Mgronline

ចុចអាន៖ លោក ប្រាយុទ្ធ ត្រេកអរខ្លាំង ក្នុងរយៈពេល ១១ខែ ថៃទទួលបានទុនវិនិយោគជាង ៣ពាន់លានដុល្លារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២២ ម៉ោង មុន

សមត្ថកិច្ចខេត្តសៀមរាប ឃុំខ្លួនបុរស់ម្នាក់ ពីបទឡាយលក់កាំភ្លើងតាមបណ្តាញសង្គម

ជួង ជី
ជីវិតកម្សាន្ដ២២ ម៉ោង មុន

អ្នកសិល្បៈនិងសាធារណជន សម្តែងក្តីបារម្ភ ក្រោយដឹងដំណឹង នាយ កុយ មានបញ្ហាសុខភាពត្រូវវះកាត់ជាបន្ទាន់

ព័ត៌មានជាតិ១៤ ម៉ោង មុន

នៅរាត្រីថ្ងៃសៅរ៍ទី០៨ ខែកុម្ភៈ​នេះ ភ្ញៀវជាតិ-អន្តរជាតិមកដើរលេងកំសាន្តនៅផ្លូវថ្មើរជើង (Walk Street) ច្រើន បើប្រៀបធៀប សប្តាហ៍មុន

ព័ត៌មានអន្ដរជាតិ២ ម៉ោង មុន

ដូណាល់ ត្រាំ សើរើ​​និង​ត្រូវការ​ដឹង​លម្អិត​ ស្តីពីការធ្វើឃាត​រូប​លោក​​

ឡានក្រុងបុកចូលផ្ទះ
សន្តិសុខសង្គម២ ម៉ោង មុន

ឡានក្រុងជ្រុលបុកផ្ទះពលរដ្ឋ សង្ស័យបើកបរក្នុងស្ថានភាពងងុយដេក

Sokha Hotels

ព័ត៌មានពេញនិយម