Connect with us

ព័ត៌មានអន្ដរជាតិ

លោក Blinken ៖ អាមេរិក មានអាវុធជួយ អ៊ុយក្រែន ដោយសារដកទ័ពពី អាហ្វហ្គានីស្ថាន

បានផុស

នៅ

រដ្ឋមន្ត្រីការបរទេសអាមេរិកលោក Antony Blinken បានសារភាពកាលពីពេលថ្មីៗនេះថា ការដកទ័ពចេញពីប្រទេសអាហ្វហ្គានីស្ថាន ដែលលោកហៅថា “សង្រ្គាមដ៏យូរបំផុតរបស់អាមេរិក” បានធ្វើឲ្យទីក្រុងវ៉ាស៊ីនតោនមានអាវុធគ្រប់គ្រាន់ក្នុងការជួយដល់អ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Blinken បាននិយាយថា “ប្រសិនបើយើងបន្តនៅក្នុងប្រទេសអាហ្វហ្គានីស្ថាន ខ្ញុំគិតថា វានឹងធ្វើឲ្យមានភាពស្មុគស្មាញកាន់តែច្រើនដល់ការគាំទ្ររបស់យើង ហើយប្រទេសផ្សេងទៀតអាចផ្តល់ជំនួយឲ្យអ៊ុយក្រែនជំនួសយើងប្រឆាំងនឹងរុស្ស៊ី ។

ទាហានអាមេរិកចុងក្រោយបង្អស់បានចាកចេញពីអាកាសយានដ្ឋានទីក្រុងកាប៊ុលនៅថ្ងៃទី ៣១ ខែសីហា ឆ្នាំ ២០២១ បន្ទាប់ពីរដ្ឋាភិបាលអាហ្វហ្គានីស្ថានដែលគាំទ្រដោយសហរដ្ឋអាមេរិកបានដួលរលំដោយគ្មានការប្រយុទ្ធគ្នានៅ ២ សប្តាហ៍មុនការចាកចេញរបស់អាមេរិក ដោយទុកឲ្យពួកតាលីបង់គ្រប់គ្រងប្រទេស ដូចដែលពួកគេធ្លាប់ធ្វើកាលពីឆ្នាំ ២០០១ ។

ចំណែកខ្ទង់ចំណាយនៃជម្លោះរយៈពេល ២០ ឆ្នាំនេះត្រូវបានគេប៉ាន់ប្រមាណថា មានចំនួនជាង ២ ពាន់ពាន់លានដុល្លារ ខណៈក្នុងឆ្នាំ ២០២១ អាមេរិកបានចំណាយជិត ៧៣ ពាន់លានដុល្លារលើការបណ្តុះបណ្តាល ការបំពាក់ ថែរក្សា និងផ្គត់ផ្គង់ដល់កងកម្លាំងការពារជាតិ និងសន្តិសុខអាហ្វហ្គានីស្ថាន (ANDSF) ហើយភាគច្រើននៃខ្ទង់ចំណាយទាំងនោះមកពី ថវិកាមន្ទីរបញ្ចកោណ ។

តាមការប្រៀបធៀប ក្រសួងការពារជាតិរុស្ស៊ីបានប៉ាន់ប្រមាណថា ជំនួយរបស់លោកខាងលិចសរុបដល់អ៊ុយក្រែនក្នុងឆ្នាំនេះមានចំនួនជាង ៩៧ ពាន់លានដុល្លារ ខណៈគ្រាន់តែមន្ទីរបញ្ចកោណតែម្នាក់ឯងបានចំណាយដោយផ្ទាល់យ៉ាងហោចណាស់ ៥០ ពាន់លានដុល្លារដល់អ៊ុយក្រែន ចាប់តាំងពីខែកុម្ភៈ ឆ្នាំ ២០២២ មក ៕

ប្រែសម្រួលដោយ ៖ ជីវ័ន្ត

ប្រភព ៖ RT

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៨ នាទីutes មុន

លោក ត្រាំ ផ្អាកការ​ហៅ​ទូរសព្ទ​ជាមួយ​មេ​ដឹក​នាំ​ប៉ាណាម៉ា ខណៈ​ភាព​តាន​តឹង​ព្រែកជីក​កាន់​តែ​ខ្លាំង

ព័ត៌មានអន្ដរជាតិ៣៥ នាទីutes មុន

អាមេរិក អនុម័ត​ការ​លក់​សព្វាវុធ​តម្លៃ​ជាង ៧​ពាន់​លាន​ដុល្លារ​ឲ្យ​អ៊ីស្រាអែល

ព័ត៌មានអន្ដរជាតិ១ ម៉ោង មុន

លោក ត្រាំ ថា​នឹង​អាច​ជួប​ជាមួយលោក ហ្សេលេនស្គី នៅ​សប្ដាហ៍​ក្រោយ​ក្នុង​ក្រុង​វ៉ាស៊ីនតោន

សន្តិសុខសង្គម៨ ម៉ោង មុន

អាជ្ញាធរ​ខណ្ឌពោធិ៍សែនជ័យ​ ចុះ​អប់រំ​ណែនាំ​អាជីវកម្ម​ភោជនីយដ្ឋាន យីហោ​ នីរ៉ា ផាប់ បង្កសំឡេងរំខានប៉ះពាល់​ដល់​អ្នក​ជិតខាង

ព័ត៌មានជាតិ១០ ម៉ោង មុន

ក្រសួងបរិស្ថាន និងរាជបណ្ឌិត្យសភាចាប់ដៃគ្នាបណ្តុះការអនុវត្តភាពបៃតងឈានឆ្ពោះទៅជាប្រទេសអព្យាក្រឹតកាបូននៅឆ្នាំ២០៥០

Sokha Hotels

ព័ត៌មានពេញនិយម