ព័ត៌មានអន្ដរជាតិ
ឆ្នាំនេះ សហរដ្ឋអាមេរិក ជួបថ្ងៃបុណ្យណូអែលដ៏គ្រោះថ្នាក់ និងរងទុក្ខ (មានវីដេអូ)
ព្យុះរដូវរងាដ៏ឃោរឃៅ បាននាំមកនូវគ្រោះថ្នាក់ និងទុក្ខវេទនានៅថ្ងៃបុណ្យណូអែល ដល់ប្រជាជនអាមេរិករាប់លាននាក់ ស្របពេលព្រិលធ្លាក់ខ្លាំង បានវាយប្រហារផ្នែកខ្លះនៃភាគខាងកើតសហរដ្ឋអាមេរិក ខណៈការស្លាប់ទាក់ទងនឹងអាកាសធាតុ បានកើនឡើងដល់យ៉ាងតិច៣១នាក់។

ស្ថានភាពវិបត្តិកំពុងកើតឡើងខ្លាំងបំផុតនៅទីក្រុង Buffalo ក្នុងរដ្ឋញូវយ៉ក ជាកន្លែងដែលខ្យល់ព្យុះ បក់បោកធ្វើឲ្យទីក្រុងនេះរងគ្រោះ ដោយសេវាសង្គ្រោះបន្ទាន់ មិនអាចទៅដល់តំបន់ដែលមានផលប៉ះពាល់ខ្លាំងបាននោះទេ។
មនុស្សជាង ២០០០០០ នាក់នៅទូទាំងរដ្ឋភាគខាងកើតមួយនេះ បានជួបបញ្ហាគ្មានអគ្គិសនីប្រើប្រាស់នៅព្រឹកថ្ងៃបុណ្យណូអែល ហើយមនុស្សជាច្រើន ត្រូវផ្អាកគម្រោងធ្វើដំណើរថ្ងៃឈប់សម្រាក បើទោះបីជាព្យុះរយៈពេលប្រាំថ្ងៃ និងខ្យល់បក់បោកខ្លាំង បានបង្ហាញសញ្ញានៃការធូរស្រាលក៏ដោយ។

អាកាសធាតុខ្លាំង បានធ្វើឲ្យសីតុណ្ហភាពធ្លាក់ចុះដល់ត្រជាក់បំផុតនៅក្នុងរដ្ឋជាប់គ្នាទាំង៤៨របស់សហរដ្ឋអាមេរិក។ អ្នកដំណើរត្រូវជាប់គាំង ដោយសារជើងហោះហើររាប់ពាន់ត្រូវបានលុបចោល ហើយអ្នកស្រុកត្រូវជាប់ក្នុងផ្ទះដែលគ្របដណ្តប់ដោយទឹកកក និងព្រិល។
យោងតាមគេហទំព័រតាមដាន Flightaware.com បានឲ្យដឹងថា ព្យុះដែលជាព្យុះដ៏កាចសាហាវបំផុតក្នុងរយៈពេលជាច្រើនទសវត្សរ៍មកនេះ បានបង្ខំឲ្យលុបចោលជើងហោះហើរអាមេរិកជាង ២៤០០ កាលពីថ្ងៃអាទិត្យ បន្ថែមពីលើការលុបចោលចំនួន៣៥០០ជើងកាលពីថ្ងៃសៅរ៍ និងជិត ៦០០០ជើងកាលពីថ្ងៃសុក្រ។

អ្នកធ្វើដំណើរដែលនៅតែជាប់គាំង ឬពន្យារពេលនៅព្រលានយន្តហោះពេញមួយថ្ងៃបុណ្យណូអែល រួមមានក្នុងទីក្រុង Atlanta, Chicago, Denver, Detroit និង New York។
អាកាសធាតុអាក្រក់ ក៏បានប៉ះពាល់ដល់បណ្តាញអគ្គិសនីផងដែរ ដោយមានក្រុមហ៊ុនផ្តល់ថាមពលជាច្រើន បានជំរុញឲ្យមនុស្សរាប់លាននាក់កាត់បន្ថយការប្រើប្រាស់ នៅកន្លែងនានាដូចជា North Carolina និង Tennessee ជាដើម៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ អាមេរិក ជួប “ព្យុះគ្រាប់បែក” ចំពេលបុណ្យណូអែល ធ្វើឲ្យអាកាសធាតុត្រជាក់បំផុត

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២២ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ