ចិន ប្រកាសឈប់ធ្វើចត្តាឡីស័ក ចំពោះអ្នកដំណើរបរទេស (មានវីដេអូ)

ប្រទេសចិនបានប្រកាសថា អ្នកដំណើរដែលមកដល់ប្រទេសនេះ លែងតម្រូវឲ្យធ្វើចត្តាឡីស័កទៀតហើយ ចាប់ពីថ្ងៃទី០៨ខែមករា ឆ្នាំ២០២៣ទៅ។

​នេះ​ជា​វិធានការរឹតបន្តឹង​ចុងក្រោយ ​ដែលនឹង​ត្រូវ​ដក​ចេញ ខណៈ​​ប្រទេស​ចិន ​បោះបង់​ចោល​គោលនយោបាយ​សូន្យ​កូវីដរបស់ខ្លួន។

ប្រទេសចិន កំពុងផ្ទុះនៃការឆ្លងជំងឺទាក់ទងនឹងកូវីដ ហើយបុគ្គលិកពេទ្យបាននិយាយថា ពួកគេកំពុងតស៊ូដើម្បីដោះស្រាយជាមួយរឿងនេះ។

នៅក្នុងការអត្ថាធិប្បាយដំបូងលើវិធានការនេះ លោកប្រធានាធិបតី ស៊ី ជីនពីង បានជំរុញឲ្យក្រុមមន្ត្រីធ្វើអ្វីដែលអាចធ្វើទៅបាន ដើម្បីជួយសង្គ្រោះជីវិតមនុស្ស។

ប្រព័ន្ធផ្សព្វផ្សាយរដ្ឋបានដកស្រង់សម្តីរបស់គាត់ដែលនិយាយថា ប្រទេសនេះប្រឈមមុខនឹងស្ថានភាពថ្មីដែលទាមទារឲ្យមានការឆ្លើយតបជាគោលដៅបន្ថែមទៀត។

ចាប់តាំងពីខែមីនាឆ្នាំ២០២០មក អ្នកដំណើរទាំងអស់ដែលមកដល់ប្រទេសចិន ត្រូវឆ្លងកាត់ការធ្វើចត្តាឡីស័ក ជាកាតព្វកិច្ច។ ប៉ុន្តែ​រយៈពេល​ត្រូវ​បាន​កាត់​បន្ថយ​ជា​បន្តបន្ទាប់ ពី ៣​សប្តាហ៍​​មក​ត្រឹម​តែ​ប្រាំ​ថ្ងៃ​ប៉ុណ្ណោះនា​ពេល​បច្ចុប្បន្ន។

ក្រោមច្បាប់ថ្មី ជំងឺកូវីដនឹងត្រូវបន្ទាបពីជំងឺឆ្លងប្រភេទ A ទៅជាប្រភេទ B ដែលនេះមានន័យថា ការធ្វើចត្តាឡីស័កនឹងមិនត្រូវអនុវត្តទៀតទេ៕

សូមទស្សនាវីដេអូ

ប្រែសម្រួល៖ Vann Vann

ប្រភព៖ BBC 

ចុចអាន៖ ចិន មានអ្នកស្លាប់ដោយសារកូវីដ លើកដំបូង ក្នុងរយៈពេលជាង កន្លះខែ