លោក ពូទីន ឲ្យប្រទេសអតីតសហភាពសូវៀត មានសាមគ្គីភាព

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានអំពាវនាវឲ្យមានសាមគ្គីភាពក្នុងចំណោមប្រទេសអតីតសហភាពសូវៀត ក្នុងអំឡុងពេលកិច្ចប្រជុំកំពូលក្រៅផ្លូវការនៃរដ្ឋឯករាជ្យ Commonwealth (CIS) ។

ថ្លែងក្នុងកិច្ចប្រជុំកំពូល CIS ដែលរុស្ស៊ីយកទីក្រុង St. Petersburg ជាទីក្រុងធំទីពីរធ្វើម្ចាស់ផ្ទះ, លោក ពូទីន បាននិយាយថា លោកទទួលស្គាល់ មានការខ្វែងគំនិតគ្នាក្នុងចំណោមរដ្ឋឯករាជ្យ CIS ប៉ុន្តែលោកនឹងព្យាយាម​សហការ​គ្នា​ដើម្បី​ដោះស្រាយ​បញ្ហា​ទាំងនោះ ។

ការ​លើក​ឡើង​នេះ​កើត​ឡើង ​នៅ​ពេល​ដែល​ប្រទេស​អាស៊ី​កណ្តាល​មួយ​ចំនួន​ដែលទី​ក្រុងមូស្គូ​ចាត់​ទុក​ថា ​ស្ថិត​ក្រោម​ឥទ្ធិពល​របស់​ខ្លួន​ហាក់​កំពុង​ឃ្លាត​ឆ្ងាយ​ពី​រុស្ស៊ី​ជុំវិញ​សង្គ្រាមលុកលុយលើអ៊ុយក្រែន ។

ក្រៅពីកិច្ចប្រជុំនោះ លោក ពូទីន ត្រូវបានគេរំពឹងថានឹងជួបជាមួយសម្ព័ន្ធមិត្តជិតស្និទ្ធរបស់គាត់គឺប្រធានាធិបតីបេឡារុសលោក Alexander Lukashenko ក្នុងអំឡុងពេលកិច្ចប្រជុំជាបន្តបន្ទាប់ដែលបានគ្រោងទុករហូតដល់ថ្ងៃអង្គារនេះ ដើម្បីស្វែងរកជំនួយបន្ថែមទៀត ពាក់ព័ន្ធនឹងសង្គ្រាមលុកលុយនេះ ។

ជាមួយគ្នានេះ ក្រសួងការបរទេសអ៊ុយក្រែនកាលពីថ្ងៃចន្ទបានចេញសេចក្តីថ្លែងការណ៍មួយ ដោយស្នើឲ្យរុស្ស៊ីដកឋានៈជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ និងបណ្តេញរុស្ស៊ីចេញពីអង្គការសហប្រជាជាតិផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ បេឡារុស អាចប្រើមីស៊ីល Iskander និង S-400 របស់ រុស្ស៊ី គ្រប់ពេល​ចាំបាច់ទាំងអស់