ព័ត៌មានអន្ដរជាតិ

ថៃ ចាប់សាច់ជ្រូកជាង ១ តោន នាំចេញខុសច្បាប់ពី កម្ពុជា

បានផុស

២ years មុន

នៅ

ថ្ងៃអង្គារ ២៧ ធ្នូ ២០២២

ដោយ

ប្រទេសថៃ ៖ សាច់ជ្រូកជាង ១ តោន ត្រូវបានកម្លាំងបសុពេទ្យប្រចាំខេត្តស្រះកែវ ធ្វើការបង្ក្រាប រួមជាមួយជនជាតិខ្មែរ ២ នាក់ផង ខណៈពួកគេដឹកជញ្ជូនសាច់ជ្រូកទាំងនេះតាមទូក ដើម្បីឆ្លងទឹកអូរព្រំដែន និងនាំចូលទៅលាក់ទុកក្នុងទឹកដីថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ក្រាបសាច់ជ្រូកខុសច្បាប់នេះ បានធ្វើឡើងកាលពីល្ងាចថ្ងៃទី ២៦ ខែធ្នូ ឆ្នាំ ២០២២ ត្រង់ចំណុចភូមិ ៧ ឃុំថាខាម ស្រុកអារញ្ញប្រាថេត ខេត្តស្រះកែវ ប្រទេសថៃ ដោយកម្លាំងបសុពេទ្យខេត្តស្រះកែវ ដឹកនាំដោយលោក វិប៊ូន សិរីមង្គល រួមជាមួយនឹងកម្លាំងកងរយលេខ ១៣ ប្រចាំខ្សែបន្ទាត់ព្រំដែនថៃ-កម្ពុជា។

នៅក្នុងកិច្ចប្រតិបត្តិការនេះ ភាគីថៃបានឃាត់ខ្លួនជនជាតិខ្មែរចំនួន ២ នាក់ ដែលពួកគេកំពុងលីការុងសាច់ជ្រូកយកចេញពីទូក ទៅលាក់ទុកក្នុងខ្ទមមួយកន្លែង នៅចុងភូមិក្បែរអូរព្រំដែន ដោយពួកគេមានឈ្មោះ សេង វិធន ភេទប្រុស អាយុ ២០ ឆ្នាំ រស់នៅភូមិអូរល្ហុង ឃុំទួលពង្រ ស្រុកម៉ាឡៃ និងឈ្មោះ ឡេ ឡា ភេទប្រុស អាយុ ១៧ ឆ្នាំ រស់នៅក្រុងប៉ោយប៉ែត ខេត្តបន្ទាយមានជ័យ។

ក្នុងពេលនោះដែរ សមត្ថកិច្ចជំនាញថៃ បានដកហូតសាច់ជ្រូកចំនួន ២៦ ការុង ស្មើនឹងទម្ងន់ ១.១៤២ គីឡូក្រាម ដែលជាវត្ថុតាងខុសច្បាប់ នាំចូលទឹកដីថៃដោយគ្មានការអនុញ្ញាត។