ព័ត៌មានអន្ដរជាតិ

ថតបានសកម្មភាពខ្មាន់កាំភ្លើង មុនផ្ទុះការបាញ់ប្រហារសម្លាប់មនុស្សនៅ ប៉ារីស (មានវីដេអូ)

បានផុស

២ years មុន

នៅ

ថ្ងៃអង្គារ ២៧ ធ្នូ ២០២២

ដោយ

វីដេអូដែលថតបានដោយកាមេរ៉ាសុវត្ថិភាពបង្ហាញពីបុរសជាខ្មាន់កាំភ្លើងវ័យ ៦៩ ឆ្នាំដើរចូលទៅក្នុងហាងកាត់សក់មួយកន្លែងដើម្បីស្វែងរកមុខសញ្ញា ខណៈក្រោយមកបានបើកការបាញ់ប្រហារនៅកណ្ដាលទីក្រុងប៉ារីសដោយសម្លាប់ជនជាតិឃឺដ ៣ នាក់ និង ៣ នាក់ផ្សេងទៀតរងរបួស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះរាជអាជ្ញាបាននិយាយថា ក្រោយការចាប់ខ្លួន បុរសជនជាតិបារាំងរូបនេះបានសារភាពថា ការបាញ់ប្រហារនេះកើតឡើង ដោយសារខ្មាន់កាំភ្លើងមានការស្អប់ខ្ពើមជនបរទេស ។ កាលពីឆ្នាំមុន បុរសរូបនេះក៏ត្រូវបានគេចោទប្រកាន់ពីបទបង្ករបួសស្នាមផងដែរ ដល់ជនចំណាកស្រុកក្នុងការវាយប្រហារដោយប្រើដាវ នៅជំរំមួយកន្លែងក្នុងទីក្រុងប៉ារីស ។

ទាក់ទិននឹងបញ្ហានេះលោក Gerald Darmanin រដ្ឋមន្ត្រីមហាផ្ទៃបារាំងបាននិយាយថា ជាក់ស្តែង គាត់ចង់វាយប្រហារជនបរទេស ។ យើងនឹងស្រាយបំភ្លឺ នៅពេលមានការស៊ើបអង្កេតរបស់តុលាការដែលដឹកនាំដោយរដ្ឋអាជ្ញាសាធារណៈ ប្រសិនបើគាត់ផ្តោតជាពិសេសទៅលើជនជាតិឃឺដប្រាកដមែន ប៉ុន្តែសម្រាប់ពេលនេះ មិនទាន់មានភស្តុតាងណាមួយបង្ហាញពីរឿងនេះនៅឡើយទេ ។

មិនបានប៉ុន្មាន សន្តិសុខត្រូវបានបង្កើនភ្លាមៗ បន្ទាប់ពីការវាយប្រហារនៅមជ្ឈមណ្ឌលវប្បធម៌ឃឺដ ខណៈដែលបាតុកររាប់រយនាក់បានប្រមូលផ្តុំគ្នានៅកណ្តាលទីក្រុងប៉ារីសដើម្បីបញ្ចេញកំហឹងរបស់ពួកគេ ។

លោកស្រី Berivan Firrat សកម្មជនឃឺដបាននិយាយថា យើងខឹង និងខកចិត្ត ប៉ុន្តែយើងមិនទាន់អាចធ្វើអ្វីបាននៅឡើយទេ ។ ក្នុងនាមយើងជាជនជាតិឃឺដ យើងជាប្រជាជនដែលមានរបៀបរៀបរយ និងមានវិន័យ ដូច្នេះយើងនឹងធ្វើសកម្មភាពរបស់យើងដោយក្ដីគោរព ហើយយើងនឹងគោរពដល់សមមិត្តរបស់យើងតាមដែលយើងគួរធ្វើ ។

ស្របពេលជាមួយគ្នានេះ ក៏មានការប៉ះទង្គិចគ្នាដោយហិង្សាបានផ្ទុះឡើងផងដែរ រវាងបាតុករ និងប៉ូលិសនៅជិតកន្លែងបាញ់ប្រហារ ខណៈរថយន្តជាច្រើនគ្រឿងបានក្រឡាប់ និងត្រូវដុតកម្ទេច ៕

សូមទស្សនាវីដេអូ!