កូរ៉េខាងត្បូង លើកលែងទោសអតីតប្រធានាធិបតីលោក Lee Myung-bak

អតីតប្រធានាធិបតីកូរ៉េខាងត្បូង លោក Lee Myung-bak នៅថ្ងៃអង្គារនេះ ទទួលបានការលើកលែងទោសពីប្រធានាធិបតីបច្ចុប្បន្នគឺលោក Yoon Seok-yeol ។

រដ្ឋមន្ត្រីក្រសួងយុត្តិធម៌កូរ៉េខាងត្បូង លោក Han Dong-hoon បានប្រាប់អ្នកយកព័ត៌មានថា លោក Lee ស្ថិតក្នុងចំណោមមនុស្សជាង ១,៣០០ នាក់ដែលត្រូវបានលើកលែងទោស ជាផ្នែកមួយនៃគោលនយោបាយ “ឯកភាពជាតិ” តាមរយៈការផ្សះផ្សាជាតិ ការអត់ឱន និងការពិចារណា” ។

លោក Lee បច្ចុប្បន្នមានវ័យ ៨១ ឆ្នាំ ដែលបានបម្រើការជាប្រធានាធិបតីចន្លោះឆ្នាំ ២០០៨ និង ២០១៣ ត្រូវបានកាត់ទោសឲ្យជាប់ពន្ធនាគាររយៈពេល ១៧ ឆ្នាំពីបទស៊ីសំណូក និងកេងបន្លំក្នុងឆ្នាំ ២០១៨ ។

គួរបញ្ជាក់ថា ឥស្សរជនខ្ពស់ផ្សេងទៀតដែលស្ថិតនៅក្នុងការលើកលែងទោសនេះរួមមាន លោក Kim Kyoung-soo អតីតអភិបាលខេត្ត South Gyeongsang និងលោក Choi Kyoung-hwan អតីតរដ្ឋមន្ត្រីហិរញ្ញវត្ថុរបស់កូរ៉េខាងត្បូង ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ប្រុងប្រយ័ត្ន! កូរ៉េខាងត្បូង រកឃើញមេរោគស៊ីខួរក្បាលលើអ្នកជំងឺមកពី ថៃ