អាកាសធាតុត្រជាក់ខ្លាំងបំផុត នៅញូវយ៉ក សូម្បីទឹកជ្រោះ ក៏កកដែរ

ទិដ្ឋភាពដ៏គួរឲ្យភ្ញាក់ផ្អើល បានបង្ហាញពីទឹកធ្លាក់ Niagara កកផ្នែកខ្លះ និងសឹងតែកកទាំងស្រុង បន្ទាប់ពីព្យុះដ៏កាចសាហាវមួយ បានវាយប្រហារលើទីក្រុង Buffalo និងបណ្តាលឲ្យមនុស្សរាប់សិបនាក់ស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្យុះបិសាចនេះ បានបោកបក់ឆ្លងកាត់រដ្ឋញូវយ៉ក ចំថ្ងៃបុណ្យណូអែលកាលពីចុងសប្តាហ៍ ហើយបានក្លាយទៅជាព្យុះដ៏សាហាវបំផុតក្នុងរយៈពេល៥០ឆ្នាំ។

គិតត្រឹមថ្ងៃពុធទី២៨ខែធ្នូ មនុស្សចំនួន៦២នាក់ ត្រូវបានសម្លាប់ដោយសារព្យុះព្រិល នៅទូទាំងសហរដ្ឋអាមេរិក។

ស្របពេលជាមួយគ្នានោះដែរ លោក Byron Brown អភិបាលក្រុង Buffalo បានបង្ហោះ Twitter ថា “ជាអកុសល ប៉ូលិសរំពឹងថា ចំនួនអ្នកស្លាប់នឹងកើនឡើងជាបន្តទៀត”។

ដូចនេះ ចង់ដឹងថា ទិដ្ឋភាពទាំងនោះ គួរឲ្យភ្ញាក់ផ្អើលយ៉ាងណា តោះទៅទស្សនាទាំងអស់គ្នា!

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ មនុស្សស្លាប់កើនលើស ៦០នាក់ ដោយសារព្យុះព្រិលដ៏សាហាវនៅ អាមេរិក