អ្នកដំណើរមួយយន្តហោះ ជិះចេញពីព្រលាននៅឆ្នាំ២០២៣ តែចុះចតនៅឆ្នាំ២០២២

អាចថាជារឿងមួយដ៏គួរឲ្យភ្ញាក់ផ្អើលដែរ ដែលជើងហោះហើរ UA858 របស់ក្រុមហ៊ុនអាកាសចរណ៍ United Airlines បានហោះចេញពីប្រទេសកូរ៉េខាងត្បូងក្នុងឆ្នាំ២០២៣ ប៉ុន្តែចុះចតនៅសហរដ្ឋអាមេរិកក្នុងឆ្នាំ២០២២ទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្តហោះ Boeing 777-300ER បានហោះចេញពីទីក្រុងសេអ៊ូល ភ្លាមៗបន្ទាប់ពីពាក់កណ្តាលអធ្រាត្រឆ្លងចូលថ្ងៃទី០១ខែមករាឆ្នាំ២០២៣។

ប៉ុន្តែជើងហោះហើរនេះ បានចុះចតនៅទីក្រុង San Francisco ៦ម៉ោងមុនពេលសហរដ្ឋអាមេរិក អបអរពិធីចូលឆ្នាំថ្មីឆ្នាំសកល។

ហេតុផលនៃការចេញដំណើរក្នុងឆ្នាំ២០២៣ ហើយទៅដល់គោលដៅក្នុងឆ្នាំ២០២២ គឺដោយសារតែភាពខុសគ្នានៃល្វែងម៉ោងរវាងកូរ៉េខាងត្បូង និងសហរដ្ឋអាមេរិក។

ម៉ោងនៅកូរ៉េខាងត្បូងគឺដើរមុនសហរដ្ឋអាមេរិក ១៤ម៉ោង ដូចនេះមានន័យថា អ្នកដំណើរលើយន្តហោះនោះ អាចអបអរពិធីឆ្លងឆ្នាំសកលចំនួន២ដង៕

ប្រែសម្រួល៖ Vann Vann

ប្រភព៖ Air Live

ចុចអាន៖ រថយន្ត បុកគ្នាជាមួយ យន្តហោះ នៅ ប៉េរូ